Тексты
Вернуться к списку | редактировать | удалить | Создать новый | Статистика | ? Помощь
Uljana Tikkanen. Karjalaista kulttuurie näytetäh lyhyissä videoissa
Uljana Tikkanen
Karjalaista kulttuurie näytetäh lyhyissä videoissa
карельский: собственно карельское наречие
Новописьменный севернокарельский
Karjalan
Rahvahan Liitto jatkau uuvven projektin toteuttamista .Šen tehtävinä on kuvata lyhyitä videoita ta valmistua kakši julkaisuo .
Karjalan Rahvahan Liiton uuši Rilsujem po-karel’ski -projekti šai Rosmolod’ož-granttifondin kannatušta .Šen rajoissa kuvatah 30 lyhyttä videota šekä painetah karjalan kielen pakinašanakirja ta pienie kirjasie karjalaisista .
– Karjalan Rahvahan Liiton piätavoittehena aina on ollun karjalan kielen ta kulttuurin šäilyttämini ta kehittämini nuoren šukupolven kešen . Nuoret nykyjäh äij än issutah isternetissä telefonit käsissä .Juuri heitä varoin onki valittu šemmoni muoto – ymmärretävät lyhyöt videot šekä pieni kirjani , kumpasešša on tärkeimpie tietoja karjalaisista , kerto projektin johtaja Anna Jakovleva .
Pienet kirjaset-bukletit on jo painettu , niitä voipi makšutta ottua Karjalan Rahvahan Liiton pitoloissa .
Lyhyij en videojen kuvaukšet on jo aletettu .Kuvaušryhmän johtajana on Natalja Šamrai , ohjuajana ta kuvuajana on Anna Potašova .Piärooliloissa esiinnytäh Petroskoissa nuorison kešen tunnetut bloggerit Lija Ter’uškova ta Son’a Šelud’akova šekä Karjalan kanšallisen teatterin näyttelij ä Andrei Gorškov .Heijän opaštajina ollah folkloristi ta pukujen tutkij a Polina Vorobjova šekä karjalan kielen opaštaja Uljana Tikkanen .Kuvaukšissa autto Karjalan korničča -restoranin keittäjä Denis Pantelejev .
– Karjalan kieleštä ta kulttuurista on äij än hyvie videoita , kumpaset tarkkah kerrotah kaikešta , ka niitä harvoin kačotah nuoret . Nyt nuoriso kaččou lyhyitä videoja sosialimediašša .Šentäh myö kuvuamma juuri lyhyitä videoja ta kerromma mimmosie virheitä ihmini voipi luatie , konša tutuštuu karjalaiseh kulttuurih .Myö kuvuamma šarjafi lmie , kumpani kertou , kuin kakši nuorta neičyttä piätti tulla karjalaisiksi .Mitä täštä kaikešta tulou – kaččoja šuau tietyä šarjan lopušša , šelitti Natalja Šamrai .
Enšimmäiset videot pannah internettih kevätkuun alušša tahi puolivälissä .
Projektie toteutetah Rosmolod’ož-fondin grantilla vuotena 2026.
Karjalaista kulttuurie näytetäh lyhyissä videoissa
карельский: собственно карельское наречие
Новописьменный севернокарельский