Тексты
Вернуться к списку | редактировать | удалить | Создать новый | Статистика | ? Помощь
Galina Baburova. Melentartuižed paginad Vepsän rahvahan horas
Galina Baburova
Melentartuižed paginad Vepsän rahvahan horas
вепсский
Младописьменный вепсский
Šoutjärven
muzejas radab uz’ ozuteluz .Se om omištadud Vepsän rahvahan horan 90-voččele jubilejale .
Täl vodel Vepsän rahvahan horale täudub 90 vot .Necikš aigtegoks Šoutjärven vepsläižes etnografižes muzejas avaitihe ozuteluz .Se om lujas melentartuine , sikš ku starinoičeb horas erazvuiččiden kaluiden da fotokuviden abul .
– Tahtoim starinoita pajanikoiden polhe enamba . Ken-se horaspäi vaumičeb käzitehmusid , ken-se radab kangazpul , ken-se kudob , ken-se tegeb kuvid .Kaikutte ristit horas om erikoine , – sanub muzejan pämez’ Natalja Anhimova .
Erikoine horal om sen pämez’-ki L’udmila Melentjeva , kudamb jo läz 50 vot ohjandab sidä .L’udmila L’vovna muga pit’kha eläb vepsläižiden keskes , ka iče jo lugeb ičtaze necen rahvahan ezitajaks .
– Jumal andoi L’udmilale hüvän änen . Vepsläižile ozastui , miše mugoine ristit oli "oigetud " heidennoks .Hän mujab rahvahan kul’turan erigoičust , hän mujab nügüdläšt-ki aigad , tedab , kut pidab pajatada nügüd’ .Hän iče meletab melodijoid äjile pajoile , – starinoičeb Natalja .
Ozutelusel voib nägištada , miččed oliba horan ezmäižed sädod , mugažo om tehtud kart , kus om znamoitud , kuna hor ajeli koncertoidenke neniš voziš .Om melentartuižesti ezitadud horan pajod kaluiden kal’t .Ozutesikš , tetabiden kaikile haragaižen , kukoin da kanan figurad ühtennimižiš pajoišpäi , a mugažo kondjan figur , härkim da muga edemba .Kaluidenke rindal om otegid pajoiden tekstoišpäi .
Vepsän rahvahan horan jubilejale omištadud ozuteluz radaškandeb 2027.voden keväz’kun lophusai .Tulgat muzejaha i nägištagat kaik ičetoi sil’mil !
Melentartuižed paginad Vepsän rahvahan horas
вепсский
Младописьменный вепсский