Тексты
Вернуться к списку | редактировать | удалить | Создать новый | Статистика | ? Помощь
Сидоркин Валерий. Folk marafonin toini šynty
Сидоркин Валерий
Folk marafonin toini šynty
карельский: собственно карельское наречие
Новописьменный севернокарельский
Monivuotisen väliajan kuluttuo rahvahan
ta nykyaikasen musiikin Folk marafon -festivali tuaš oli elvytetty Petroskoissa .Festivalin enšimmäini konsertti piettih tašavallan Ammattiliittojen talošša .
Festivalin istorija alko 27 vuotta takaperin .Projektin alkuhpanijana oli yksi Myllärit-ryhmän peruštajista ta šen solisti Sergei Zobnev .Nyt Sergei on Muka-musiikkiryhmän johtaja , kumpani jatkau tunnettujen "Myllärien " perintehie .
Festivali ruttoh tuli tunnetukši Karjalan , Venäjän ta ulkomualaisien muusikkojen šekä musiikinharraštajien kešen , ka myöhemmin rahaproplemojen takie festivalin järještämini oli lopetettu .Tänä vuotena tapahtuma oli elvytetty .
Elvyttämini tapahtu Petroskoin muusikon Savva Arhipovin alottehella Rosmolod’ož-fondin grantilla .Folk marafoni šai uuvvissukšie : nykyjäh še ei keštän muutoma päivä peräkkäh , ka konserttija tulou nellä ta niitä ruvetah pitämäh kerta kuukauvešša šuovattaisin .Festivalin ošanottajiksi tullah paikalliset musikantit ta ryhmät eikä tašavallan ulkopuolelta tulluot , kuin še oli ennein .
Enšimmäisen Folk marafonin avasi Noid-ryhmä , kumpani esittäy vanhoja vepšäläisie ritualilauluja ta itkuviršijä nykyaikasešša muuvvošša .Šen jälkeh lavalla nousi Zor’aine-yhtyveh .L’udmila Solovjova perušti ryhmän 36 vuotta takaperin Petroskoin musiikkiopistošša .Nyt šiih käypi opiston opaštujie , a johtoh tuli peruštajan tytär Darja Skr’abina .Konsertin ohjelmašša oli ryhmän laulu - ta tanššinumeroja .
Marafonin ošallistujien kulkuo jatko Kel’-musiikkiprojektin ošallistuja Alina Kartinen .Hiän laulo vepsäkši .Šähkömusiikkie šepitti projektin ošanottaja Konstantin Kažijev .Yksi lauluista oli omissettu vepšäläisellä runoklassikolla Nikolai Abramovilla .
Ohjelman lopušša esiinty Petroskoin yliopiston kanšanmusiikin Toive-yhtyveh .Festivalissa "Toive " näytti eryähie musiikki-tanššinumeroja , kumpaset oli valmissettu Karjalan kylih tutkimušmatkojen aikana šuatujen materialien pohjalla .Lopušša oli esitetty tunnettu Petroskoi-laulu .
Näin tapahtu pitälti vuotetun rahvahan ta nykyaikasen musiikin festivalin elvyttämini .Šen enši konsertti pietäh Ammattiliittojen talošša 14. kevätkuuta .Šielä esiinnytäh Istoki -, Gudari - ta Kuter’ma -yhtyvehet šekä Revinnyh kottu -folkryhmä Veškelykšeštä .
Folk marafonin toini šynty
карельский: собственно карельское наречие
Новописьменный севернокарельский