Тексты
Вернуться к списку | редактировать | удалить | Создать новый | Статистика | ? Помощь
Вейкколайнен Илона. Kuvotulla matolla on kyšyntä
Вейкколайнен Илона
Kuvotulla matolla on kyšyntä
карельский: собственно карельское наречие
Новописьменный севернокарельский
Mujejärven piirin
Ontajärven eläjät ollah varmat , jotta kuvonta on hyvä tapa tienata rahua ta viettyä joutoaikua .Heijän kutomie mattoja myyvväh nuapurikylih , Koštamukšeh ta Moskovah .Aikasemmin mattojen oštajien joukošša oli niise šuomelaisie .
– Kuvotulla matolla on aina šuuri kyšyntä . Ihmiset tahotah oštua kankašpuilla kuvottuja mattoja , kumpasie hyö pietäh parempina kuin kaupašta oššettuja , kertou Ontajärven eläjä ta kutoja Nadežda Makarova .
Hänen mukah kyläššä on äijän kutojie , ka harvat kuvotah šiännöllisešti .
– Šeiččemen naista kutou mattoja šiännöllisešti . Hyö otetah vaštah tilaukšie ta kuvotah myötäväkši , šanou hiän .
Kyläššä on kuvontapaja , mistä käsimuasterit vuokratah kankašpuut .Eryähillä kutojilla on omat kankašpuut koissa .
– Kutomini kotioloissa on tietyšti mukavampua kuin pajašša , min tilat lämmitetäh polttopuilla , huomauttau miun pakinakaveri .
Epämukavukšista huolimatta Ontajärven käsityöläiset käyväh talvella šiännöllisešti pajašša kutomašša mattoja .Kešällä heilä ei ole joutoaikua mattojen kutomiseh .
– Kuvon puolentoista metristä mattuo kahešša tunnissa . Opaššuin kutomah šuomelaisien järještämillä kurššiloilla 2000-luvun alušša ta olen jatkuvašti parantan taitojani , koroštau Nadežda .
Šuomelaiset järješšettih Ontajärven eläjillä kuvonnan , keramiikan ta puutöijen kurššija .Niijen tavottehena oli opaštua ihmisillä käsitöitä , jotta hyö voitais šiitä tienata rahua .
– Šavi ta puu ei kovuan kiinnoššettu ihmisie . Kutomini on juurtun hyvin , šanelou kutoja .
Ontajärviläiset šuatih šuomelaisilta kankašpuut , kumpasie nyt käytetäh kuvontapajašša .Kutomista kehitettih niise ošana projektie , min Ontajärven eläjät ta Karjalan kanšantaijon ta kulttuurin alottehien keškukšen spesialistit toteutettih yheššä .Projektih ošallistunuilla kutojilla tarittih tilat kuvontapajan peruštamisekši ta kankašpuut .
Nyt kuvonnašta kiinnoštunuilla järješšetäh kurššit .
– Tänä vuotena miula on yksi opaštuja . Viime vuotena heitä oli kolme , kertou Nadežda Makarova .
Hänen mukah jokahini voipi opaštuo kutomah .Kutojan on tärkietä valita oikie väri ta kuvijo .
– Šuamma tilaukšie ihmisiltä , kumpaset tahotah maton esimerkiksi keittijöh . Hyö lähetetäh meilä kuvan keittijöštä , jotta voisima valita matolla šopivan värin .Ihmiset tilatah perintehellisie mattoja , kumpasien pituš on kakši-kolme metrie .Toičči tilatah äšen viijen metrin pitusie mattoja , šanelou kutoja .
Mattoja on mahollista tilata Ontajärven Oma ranta -kuoron VK-šivulla .Šieltä löytyy niise uušie ontajärviläisien kutomie mattoja , kumpasie laitetah myöntih .
Ontajärveššä kuvotah mattoja uušista lankoista .Niistä kuvottu tuoteh on kirkkahampi ta pehmiempi , mitä vanhoista šuikalehiksi leikatuista vuatteista valmissettu matto .
– Mattoja oššetah niise matkuštajat , kumpaset käyväh kyläššä kešällä . Tuottehie on esillä kylän musejošša ta kuvontapajašša .
Kuvotulla matolla on kyšyntä
карельский: собственно карельское наречие
Новописьменный севернокарельский