Тексты
Вернуться к списку | редактировать | удалить | Создать новый | Статистика | ? Помощь
Aleksandr Bulkin. Kun kärgi kriketännöy
Aleksandr Bulkin
Kun kärgi kriketännöy
карельский: собственно карельское наречие
Новописьменный тверской
I
vähä ken nytten muistau da tiedäy – kenbo on kärgi ?A ennen karielazet hyvin tiettih tädä linduo .
Kärgi on mušta tikku , bronin šuurehune – kaikkie šuurin miän tikkuloista .
Karielazet šanottih kärgie "paganakši " linnukši , kuingi harakkua , bronie , korpie , šavuharakkua , čirkus’t’a da toizie – ei pahuten , a žentäh što händä ei voi šyyvä .
Kärgi on šoma da hoiskie lindu .Hiän on kogonah mušta , vain piälakašša on ruškie hattune – uroččuzilla že on šuurembane , a emäččyzillä – pienembäne .
Kärgi on iänikäš lindu .Mie ammuin olen tiedän hänen iänie .Ennen mie rigeneh kuulin tädä iänie šuurissa da vanhoissa havumečissä – pedäjikkölöissä ali näreikkölöissä .Žemmuone atkala , igäyttävä da pit’kä hoiluanda , kumbane edäh kajauttau hil’l’azešša mečäššä .Vain mie nagole duumaičin , jotto že haukka iändäy ali toine lihanšyöjä lindu .I ka täššä tuollain tiijuššin , jotto tämä ei ole haukan iäni , a kärren oma .
Keviällä kärret puaroin lennelläh , da munimah ruvetah .Šillä aigua kärgi andelou edäh kuulovua iändä da kovašti lyhyöšti kuikuttau – "kui-kui-kui… ".Lennošša hiän kruikkau – "kry-kry-kry… ".A puušša istuos’s’a kärgi pitäldi da abiekkahaldi hoiluau , itköy – "kliiie ...".Omua iändä kärgi nagole vaihtelou kolottimizeh – hiän ylen tuagieh da kajakaldi tuigau , kolottiu puuda vaš , kuin ken-ollou barbanah rämäyttäy .
Karielazet piettih kärgie ennuštajana lunduna .
Karielazet uššottih , jotto kärgi vihmua toivottau .Niin primietuidih : kun kärgi aivis’ pitäkši vinguu , itköy , – nin vihma liey .
Keviädä vaš kärgi keviädä ennuštau : kun hiän pitkäzeh kolahuttau , korauttau , – nin liey pitkä keviä ; a kun ruttoh , lyhyöšti kolahutaldau , korahuttau , ali aivis’ kruikattau , krikettäy , – nin keviä lyhyt liey , kežä ruttoh tulou .
A tverinkarielazet vielä uššottih , jotto konža lähet matkah , da kun matašša kuullet kuin kärgi lyhyöšti iändäy , krikettäy , niin hiän mid’olgah hyvyttä toivottau – ihaššušta ali rahoida .No kun kärgi pitäšti iändännöy , itkennöy – nin vuota hädiä da kummua , i ei pie ielleh männä ših kohtah ali ših azieh kunne olet lähten , a parembi liey kiändyö tagah , myöštyö kodih .
Kun kärgi kriketännöy
карельский: собственно карельское наречие
Новописьменный тверской