Тексты
Вернуться к списку | редактировать | удалить | Создать новый | Статистика | ? Помощь
Vepsläižed školiden jubilejaks
Vepsläižed školiden jubilejaks
вепсский
Младописьменный вепсский
Muloi
Änižröunan vepsläižile školile täudui 220 vot .Ningoižeks znamasižeks päivmäraks školiš tehtihe erazvuiččed azjtegod , mäniba praznikaližed vastused .Mugažo openikad Kalagespäi vaumištiba videorolikad ičeze školan istorijas .Tedoil , miččiš starinoitihe neniš videorolikoiš , tahtoim jagatas teidenke .
Kalagen školan istorii 1860.-vozihesai
Azjbumagoiš Olonecan gubernijan openduses om kirjutadud , miše 12 tal’vkud vodel 1805 Kalages , mi sijadase 97 virstad Petroskoišpäi , om avaitud küläprihodan škol .Se sijadase papin pertiš , opendajan om ponomar’ Ivan Dev’atinskii .Hän opendab lapsid kirjutamha , arifmetikan tedoalandusihe , mugažo lugeb Jumalan sanad .
Vepsläižile lapsile oli jüged opeta vanhad pühäslavilašt kel’t , ved’ siloi hö ei tednugoi venän-ki kel’t .Paiči Kalaged , školad sil vodel avaitihe mugažo Šujas , Ladvas , Šokšus da Šoutjärves .Siloi papid tegiba suren panendan rahvahan opendushe .Školan honusin oliba papiden pertid .Opetihe siloi vaiše prihaižid .Tedoiden mödhe vodel 1808 Ladvan učiliščas oli 19 last , Kalages – 5, Šujas – 15, Šokšus – 10.
Kalages necikš vodeks oli kaks’ pušt pühäpertid .Papin Andrei Gavrilovan pertiš avaitihe emäine škol .Nor’ ponomar’ Ivan Dev’atinskii zavodi urokoid aigoiš – 6:00 časud .Urokad mäniba 19:00-20:00 časuhusai .Oli keskust longikš .Openduzvoz’ oli sügüz’ - da keväz’radoiden keskes .
Kalages om kaičenus johtutesid Irina Andrejevna Gavrilovas , papin tütres .Ičeze pereht hänel ei olend , Irina Andrejevna omišti elon lapsiden opendamižele .Mugažo paukas lapsid openzi kirjaha manradnik Ivan Makarov .
Suren panendan opendushe tegi pap’ P’otr F’odorovič Serm’agin .Hän tegihe papikš , konz hänele oli 26 vot .P’otr lopi Novgorodan Hengeližen seminarijan .Hän tezi vepsän kel’t , nece azj kebnenzoiti openust .Konz prihaine openzihe hot’ vähäižen kirjutamha da lugemaha venäks , ka kazvatajad napriba antta händast radmaha miččehe-ni laukha lidnas .
Voziden sirttes openikoiden lugu kazvoi .1860.-vozil päurokoikš tegihe venän kel’ , oigedkirjutamine , arifmetik , mantedo , londuztedo , pühäpajatand , käzitöd , gimnastik .
Vepsläižed školiden jubilejaks
вепсский
Младописьменный вепсский