Тексты
Вернуться к списку | редактировать | удалить | Создать новый | Статистика | ? Помощь
Uljana Tikkanen. Karjalan kielen käyttö teatteritoiminnašša
Uljana Tikkanen
Karjalan kielen käyttö teatteritoiminnašša
карельский: собственно карельское наречие
Новописьменный севернокарельский
Harjottelutilaisukšissa opaššettih
käyttämäh karjalan kieltä ta folklorie spektakliloissa .Ohjelma oli valmissettu kuin teatterijohtajilla , niin ni kaikilla kulttuuri - ta opaššušalojen ruatajilla , kellä on mukava valmistua teatteriesitykšie omašša ruavošša .
– Meijän ryhmäššä oli kolme ammattilaista : ohjuaja , näyttelijämeštaruon , pakinan ta liikehtaijon opaštaja , Teatrum-teatterin johtaja Jelena Politanskaja , karjalan kielen livvin murtehen opaštaja Valerija Grafova šekä etnomusiikin tutkija , opaštaja , Juuret-etnoklasteri-projektin johtaja Tatjana Bel’ajeva , kerto harjottelutilaisukšien järještäjä Anna Jakovleva .
Ohjelmašša oli kolme harjottelutuntie šekä pieni esityš opaštajilta .Tulijat ošallistujat opaššuttih käyttämäh karjalan kieltä näytelmissä šekä teatteriesitykšissä , tiijuššettih perintehelliseštä folklorista ta šen käytöštä nykyaikana , opaššuttih näyttelijäpakinataituo šekä teatterin ta spektaklin taitokeinojen käyttyö .
– Meijän tehtävänä oli antua enämpi harjotteluja . Tilaisukšissa teatterijohtajien lisäkši oli mukava käyvä kirjaštojen , koulujen , päiväkotien , kulttuuritalojen ruatajilla .Myö kuot’t’elima luatie vielä yksi aškel karjalan kielen käyttämisen propleman ratkaisuh .Karjalašša ken ei tiijä kieltä tovellah varajau käyttyä šitä , äšen yhtä šanua tahi virkehtä .Myö tahtoma näyttyä , jotta ei ole vaikieta lisätä tavallisie šanoja ta frasija spektaklin pakinoih .Priäžäššä meilä oli eksperimentti .Myö jakoma kaikki ošallistujat pienih ryhmih ta joka ryhmäššä piti olla ihmini , ken ei tiijä karjalan kieltä .Šiitä heijän piti valmistua pieni starinaesityš käyttyän karjalan kieltä .Totta šanuon , ei voinun ymmärtyä , ken oli še ihmini , ken ei tietän kieltä , šelitti Anna Anatoljevna .
Avukši näyttelijillä oli valmissettu pakinakirja teatteriruatajie varoin .Šielä on šanoja ta virkkehie karjalan kielen livvin ta vienan murtehilla .
– Miula oli oikein mukava ošallistuo harjotteluh . Oli miellyttävä nähä opaštajien joukošša omamualaista Valerija Grafovua , jotta hiän jatkau omua ruatuo karjalan kielen hyväkši .Šamoin olin ihaššukšešša Tatjana Bel’ajevan esityštaijošta ta šiitä , kuin šuurta tutkimušta hiän ruato .Hiän näytti meilä keinoja , kuin käyttyä folklorie , a myöhän tovellah harvoin käytämmä pohattua perintyö .Näyttelijämeštaruon tunnit avattih uušie voimie .Myö šaima äijän intuo luovah ruatoh .Ta lopukši oli miellyttävä šuaha pakinakirjat , passipo šuuri , kerto vaikutelmieh harjottelun ošallistuja Valentina Libertsova .
Tilaisuon järještäjät toivotah , jotta idejat levitytäh ielläh niissä paikoissa , missä harjotteluja oli pietty .Ne oli järješšetty Karjalaisie perintehie teatterilavalla -projektin rajoissa .
Vielä yksi šuuri tapahtuma pietäh šulakuušša – teatterifestivali Aunukšešša .Piäroolissa on Karjala – festivali keryäy teatteriryhmie koko Karjalašta .Projektie toteutetah Karjalan piämiehen fondin grantilla .
Karjalan kielen käyttö teatteritoiminnašša
карельский: собственно карельское наречие
Новописьменный севернокарельский