Тексты
Вернуться к списку | редактировать | удалить | Создать новый | Статистика | ? Помощь
Natalja Antonova. Vieljärveläzet “Ozan tiešuaral”
Natalja Antonova
Vieljärveläzet “Ozan tiešuaral”
карельский: ливвиковское наречие
Новописьменный ливвиковский
Anukselazen
kirjuttajan Valentina Kondratjevan tuotando on hyvin tuttu Vieljärven kylän karjalazile .Hänen kerdomukset ollah avukse karjalan kirjukielen opastandois Karjalan Kielen Kois kielikursoin aigah .Kursiniekat muga miellyttih niilöih , ku lugiettih Ozan tiešuarat -kniigan ristin-rästin .Tuloksennu rodih eräs uuzi lavaozutus , kudai on Karjalan Kielen Koin oman Randaine-teatrujoukon yhtestostu , čuasun kestäi spektakli .
– Ozutuksen nimekse panimmo "Ozan tiešuaral ", yhtelläh se on kirjutettu vallitun Kaksi pedäjiä -kerdomuksen mugah . En ruohti äijäl vihjata kerdomukseh , spektaklih , tiettäväine , on otettu sen syväindö , ga äijät sanat tuli lyhendiä , rahvasjoukon pienendiä .Sotkimmo meijän vieljärveläzen teatrujoukon pädijäkse , sanelou spektaklin kirjuttai da ohjuaju L’ubov’ Nesterova .
Hänehgi niškoi tai kerdu on olluh enzi-ildu mindäh sendäh ezmästy kerdua kirjutti sanat spektaklih nähte da ohjai sen .
Pienen karjalazen Kanajärvi-kylän kolmen perehen elaigu da priičat roittih yhtel suul itkiettävät dai nagrettavat .Kanajärves seizou seiččei kodii , ga vai kolmes on eläjiä .Laukkah tulou kävvä suurembazeh Kukoijärven kyläh .Kanajärveläzet kävväh toine toizele kyläh joga päiviä , autetah toine tostu dai dostalin yhtistetäh omat perehet lapsien da bunukoin kauti .Ozutuksen piähenget Dun’a da Griššu suvaittih toine tostu nuorete , ga mennä yhteh puutui vai vahnate .
21. kevätkuudu , Ozan tiešuaral -spektakli suau nähtä piirin keskukses Priäžäs etnokul’tuurizes Elämä-keskukses 12.00 aigah . Ezitys roih omistettu Kogo muailman teatran päiväle , kudamua jullistettih vuvvennu 1961 da pietäh suures mieros dai Ven’al 27. kevätkuudu .
Vieljärveläzet “Ozan tiešuaral”
карельский: ливвиковское наречие
Новописьменный ливвиковский