Тексты
Вернуться к списку | редактировать | удалить | Создать новый | Статистика | ? Помощь
Сидоркин Валерий. Puškinogorjen maisemie
Сидоркин Валерий
Puškinogorjen maisemie
карельский: собственно карельское наречие
Новописьменный севернокарельский
Šiinä
esitettyjä mualaukšie ta grafikkua luajittih viime vuuvven kevyällä ta šykyšyllä Pskovin alovehen vanhoissa Puškinin Mihailovskoje -, Trigorskoje -, Petrovskoje - ta Sv’atogorsk -paikoissa .Ulkoilmamualaukšen järješti Karjalan tašavallan kanšanneron ta kulttuurialottehien keškuš .
Mualaukšissa ta grafikkatöissä on kuvattu Puškinogorjen maisemie : Mihailovskoje-musejo , Osipovien –Vulfien talo Trigorskoješša , Abram Gannibalin talo Petrovskoješša , Sv’ato-Uspenskaja-kirikkö Sv’atogorskin manasterissa , Malenets-järvi , Sorot’-joki , Voronič-linnavuara , Savkina-vuara , vesimelliččä Bugrovošša šekä tunnettu Anna Kernin kävelykuja ta Oneginin skammi Trigorskoješša .
Tevokšien luatijat ollah petroskoilaiset taiteilijat Valentin Čekmasov , Nelli Grigorjeva , Margarita Perm’akova ta Julija Korosova , aunukšelaini Natalja Čanžina šekä Petroskoin valtijoyliopiston teknologijan , kuvailutaijon ta disainin laitokšen opaštujat Al’ona N’attijeva , Marija Saveljeva ta Marija Kušč .Šamoin taiteilijien luvušša ollah Bulat Jamanov ta Viktorija Saharova Velikii Novgorodista , Viktor Lis’uk ta Gennadii Aleksejev Pskovista .
Vaikka taiteilijat kuvattih šamoja objektija , joka työššä näkyy individualisuš .
Matkua Puškinogorjeh ohjasi Karjalan tašavallan kanšanneron ta kulttuurialottehien keškukšen piäspesialisti , Käsityöammattien talon johtaja Natalja Igrakova .
On huomattava , jotta tämä näyttely jatko 15 vuotta takaperin männyttä näyttelyö .Šitä niise piettih Kaupunkin näyttelyšalissa Venäjän Federatijon taiteilijaliiton Karjalan ošašton johtajan Anatolii Titovin järještämän ulkoilmamualaukšen tulokšien mukah .Šilloin näyttelyh ošallistu Luoteis-Venäjän ta Šuomen Kuusamo-kaupunkin kuvailutaitomuasterija .A ulkoilmamualauš mäni Aunukšen kanšallisen piirin Nurmoila - ta Selgi -kylissä , Luatokan rannalla , Alavoisenjoven ta Mäkrie-joven rannoilla šekä Kivačun košella .
Kakši vuotta takaperin Käsityöammattien talo jatko šitä projektie .Šilloin näyttelyššä esitettih Luoteis-Venäjän taiteilijien Puanajärven kanšallispuistoh käynnin aikana luatimie tauluja .Nyt Kanšanneron ta kulttuurialottehien keškuš tuaš jatkau omua projektie .Näyttelyššä mualaukšien lisäkši voipi lukie šuuren runoilijan runoja .A taiteilijat Nelli Grigorjeva ta Julija Korosova käytettih runojen šäkehie omien töijen nimissä .
Matka Puškinogorjeh -näyttely toimiu kevätkuun 29. päiväh šuaten .
Puškinogorjen maisemie
карельский: собственно карельское наречие
Новописьменный севернокарельский