Тексты
Вернуться к списку | редактировать | удалить | Создать новый | Статистика | ? Помощь
Heini Rostkova. Kodikeliden opendajad vastsihe Jugras
Heini Rostkova
Kodikeliden opendajad vastsihe Jugras
вепсский
Младописьменный вепсский
Suim
mäni 24.–25. uhokud .Se tegihe sijaks , mitte ühtenzoiti ristituid , kudambad omištiba ičeze elon Pohjoižen , Sibirin da Päivnouzman igähižiden vähäluguižiden rahvahiden keliden kaičendale da kehitoitandale .Azjtegoho ühtniba opendajad , valdmehed , tedomehed da kundaližiden sebroiden tegijad .Ühtnikoile taritihe jagatas ičeze mahtištol , vajehtadas melentartuižil idejoil da libutada toižiden hengid edeližen radon täht .
Suim avaitihe ištundal , miččel tervhensanoidenke eziniba korktad mehed .Ičeze ezitusiš hö sanuiba , miše valdkund kingitab sur’t homaičust kodikeliden kaičendan problemoihe .Kaikutte kel’ , sanuiba valdmehed , kaičeb ičesaze unikališt kul’turad , erilišt kacundad miruhu da äjiden voz’sadoiden istorijad .
Kodikelen da literaturan opendajiden suimaha ühtni vepsläineki delegacii , miččehe mülüiba vepsläižed ezitajad Karjalaspäi , Piterin da Vologdan agjoišpäi .Karjalaspäi suimal oliba Šoutjärven školan pämez’ Natalja Bikova , opendajad Natalja Botvina , Ales’a Anušenkova da Anastasia Jevtušenko .Vologdan agjad ezitiba opendajad Irina Bikova da L’udmila Zagul’ajeva , Piterin agjad – opendajad Gul’a Polivanova da Nadežda Fokina , mugažo "Vepsän kund " -sebran ühtnik Ol’ga N’uman .
– Minun dokladan teman oli "Etnokul’turižen opendusen rol’ openikoiden kazvatamižes ". Starinoičin ičein radon polhe , kut mö popul’arizoitam vepsän kel’t meiden školas .Suim oli lujas tarbhaine kaikile meile .Vepsläižidenke toižiš agjoišpäi vajehtimoiš idejoil da eskai meletim ühthišt projektad , – starinoiči Ales’a Anušenkova .
Suiman aigan radoi ozuteluz , miččel oli ezitadud literatur da openduzkirjad igähižiden vähäluguižiden rahvahiden kelil .Mugažo ühtnikoiden täht oli vaumištadud erazvuiččid mastar’-klassoid , miččiden idejoid voiži otta opendajiden radho regionoiš .Ližaks ühtnikoile tehtihe ekskursii Surgutan melentartuižidme sijoidme .
Kodikelen da literaturan opendajiden suim lopihe čomal aigtegol – vepsläšt tedomest Zinaida Strogalščikovad da vepsän kelen opendajad Gul’a Polivanovad pauklahjoitihe Pohjoižen , Sibirin da Päivnouzman igähižiden vähäluguižiden rahvahiden associacijan kitändkirjeižil personaližes panendas ičeze rahvahan kaičendaha , kehitoitandaha da popul’arizoitandaha .
– Tahtoin sanuda sur’ spasib ičein radon korktas arvostuses . Toivon , miše kaikiden kodikeliden opendajiden rad tob surid satusid da abutab sirtta toižile sugupol’vile igähižiden vähäluguižiden rahvahiden kul’turtradicijoiden bohatust , – sanui Gul’a .
Kodikeliden opendajad vastsihe Jugras
вепсский
Младописьменный вепсский