Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Tuuksen kylän kirjasto sai uvvet tilat
Nadežda Mičurova
Tuuksen kylän kirjasto sai uvvet tilat
карельский: ливвиковское наречие
Новописьменный ливвиковский
Kylmykuun
enzimäzes päiväs se ruadau kylän päivykois .Kirjastoh niškoi annettih endizet jaslien pertit .Kirjaston suurimas pertis on nygöi sijua , kai kniigat synnyttih pualičoile .Sie on lämmin da valgei , sydämeh tulou lämmin vezi .Kirjaston endizet ruado-olot ei oldu moizet hyvät .Läs keheksua vuottu kylän kirjasto ruadoi školan podvualan kahtes pienes pertis .Uvvet huonukset annetah valdu enämbän ruadua lapsienke školas da detsavuspäi sego hierulazienke , ket suvaijah kävvä kirjastoh .Jo terväh Tuuksen kyläkirjastoh tuvvah uvvet laittehet – tiedokoneh da kuvanheittäi .Vajuas kuus kirjastos jo äijän midä ehti pidiä sen ruadai Ol’ga Jarmončik .
– Vuvves kaksituhattu viizitostu meijän Tuuksen kyläkirjasto ruadoi školan podvualas . Suuren remontan periä , kudaman tänäkeviän allettih pidiä školas , kirjastol pidi tyhjendiä tilat da lähtie toizeh kohtah .Toine kohtu löydyi kylän detsavus .Sygyzyl kirjasto uvvessah avavui , kirjaston uuzi adressi on Tuuksi , Novaja-uuličču , taloi kaheksatostu .Kirjasto ruadau argipäivin , enzimässarres piätteničässäh kymmenes huondestu viidessäh ehtiä .Kerran kuus – se joga kuun jälgimäzenny ruadopäivänny – kirjasto ei rua .Minä pien kirjastos ruokindupäiviä .Kirjastoh niškoi detsavus lövvyttih valgiet da lämmät pertit suurien ikkunoinke .Kirjaston fondas on kuuzituhattu kaksisadua seiččiekymmen nelli kniigua da žurnualua .I kai net nygöi ollah ezil kniigupualičoil .Uuzih kniigoih minä ajelen Anuksen piirin kirjastohgi .Kerras kirjaston avattuu , azuin uuttu kniiguozutteluu lugijoih niškoi .Kodvazen peräs vaihtan net , omistan toizile tiemoile .Tänäpäi kirjastos ruadai ozuttelu sanelou meijän Tuuksen hierus .Sen nimi on "Minun kodoilu ".Ozutteluh kačottavakse da lugiettavakse on pandu kodialovehmaterjualua kirjaston fondoispäi .Net sanellah hierus , hierun eläjis , Tuuksen souhozas .Detsavun igähizih lapsih niškoi on luajittu vie yksi Suarnat nygyaigazih lapsin niškoi -ozuttelu .Suarnoishäi algavuu lapsien tuttavundu kniiganke .Nygöi detsavun lapset joga päiviä kävväh kirjastoh , yhtes luvemmo kniigoi iäneh .Moizii vastavuksii sanommo "Lugemizet kumman lampan ual ".Jälles moizii lugemizii pagizemmo lapsienke , hyö vastatah kyzymyksih da sanellah omii mielii kniigan kuunneltuu .Hyö ičegi voijah vallita kniigan omua mieldy myö , livailla sen sivuloi , kaččuo kuvazii .Moizii vastavuksii vaste zavodimmo pidiä .Tuliekse aigua on suurdu pluanua , kui suurendua da parandua kirjaston ruaduo detsavun da školan lapsienke .Ielpäi on äijy hyviä da mieldykiinittäjiä vastavustu da piduo .Terväh kirjasto suau uvven tiedokonehen .Vuotammo kaikkii , terveh tulgua meij än kirjastoh !
Tuuksen kylän kirjasto sai uvvet tilat
карельский: ливвиковское наречие
Новописьменный ливвиковский