Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Tverin Lindu-paginkluubu algai uvven ruadovuvven
Nadežda Mičurova
Tverin Lindu-paginkluubu algai uvven ruadovuvven
карельский: ливвиковское наречие
Новописьменный ливвиковский
Tverin Karjalan
paginkluubas jo piettih nelli vastavustu .Ezmäine oli 20. pakkaskuudu Gor’koin nimizes Tverin alovehellizes piäkirjastos .Sinäpiän paistih talvipruazniekois , lugiettih runoloi , pajatettih talvipajoloi da šeikuittih pluanoi tuliekse aigua .Vastavuksele tuldih kui endizet mugai uvvet rahvas , ket tahtotah opastuo muamankieleh .Kluuban vedäjäkse rubei Tverin valdivon yliopiston Ven’an kielen laitoksen johtai L’udmila Gromova .
– Lindu-kluubu meile ruadau jo kuvettu vuottu . Kerävymmö joga nedälii .Meijän joukos on kymmene hengie , vuotammo uuttu rahvastu .Meijän keskes on mostu rahvastu , ket ylen äijäl suvaijah karjalan kieldy da hyvin tietäh sidä .Myö luvemmo Tverin karjalazien Nikolai Balakirevan Stuanovoine - da Kuzmičča -kniigoi , Gennadii Sladkovan runoloi .Meijän čupun karjalazet suvaijah paista nämmis kniigois da lugie niilöi .On meile rahvastu , ket vaste vai luajitah enzimäzii askelii karjalan kielen opastumizes .Meile avukse on Terveh !Terveh ! – opastuskniigu , sidä myöte myö rubiemmogi opastumah .Tverin alovehel äijis kohtis pietäh karjalan kielen kursoi , sanelou L’udmila Gromova .– Juuri moine paginkluubu ruadau Lihoslavl’asgi . Karjalan kieldy opastetah Ruameškan , Kozlovan da Tolmačun kirjastolois .Kieleh opastundua on Stuanun kyläsgi , kus ruadau Karjalan kul’tuuran kodi .Sie pietäh vastavuksii školan opastujienke .Lapset sie čukeldutah karjalan kielen da kul’tuuran muailmah .Ol’ošovan , Maksuatihan da Lihoslavl’an erähis školis sežo pietäh mostu ruaduo .Tverin alovehel äijis kohtis järjestetäh karjalan kielen kursoi vahnembih da lapsih niškoi .Mennyt sygyzyl avavui Tipazet – lapsien paginkluubugi .Sinne kävväh lapset yhtes omien vahnembienke .Se on meil moine perehpaginkluubu .Myö tahtozimmo , gu lapset enämbäl opastuttas karjalan kieleh , gu heil olis mieleh tiijustua uuttu omas kieles da kul’tuuras .Kalevalan päiväkse meijän Lindu-paginkluubu järjesti vastavuksen lapsienke , kus lugiettih "Kalevalan " runoloi .Ruaduo meil on kylläl , jatkammo toimindua oman kielen säilyttämizen hyväkse .Ruammo iellehpäi , jatkau L’udmila Gromova .Kluubu ottau vastah kaikkii .Sen vastavuksil lugietah kaunehliteratuurua da opastutah tverinkarjalan kielioppie .
Tverin Lindu-paginkluubu algai uvven ruadovuvven
карельский: ливвиковское наречие
Новописьменный ливвиковский