Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Anuksen kirjastos taratettih livvikse
Nadežda Mičurova
Anuksen kirjastos taratettih livvikse
карельский: ливвиковское наречие
Новописьменный ливвиковский
Tuhukuun
18. päivänny Anuksen kanzallizeh kirjastoh kerdyi karjalastu pagizemah livvikse , lugemah runoloi da kerdomuksii , pajattamah da kižuamah .Pädis tarattua livvikse -vastavuksii Anuksen kanzallizes kirjastos pietäh kolme kerdua vuvves .Alavozen taigin-teatrustuudien rahvas ozutettih täl kerdua oman uvven Enzimäzet kurortniekat -spektaklin Antti Timonenan kerdomuksen mugah .Pädis tarattua livvikse -vastavuksii pietäh Vladimir Brendojevan nimizen Täs synnyinrannan nimun algu -festivualin hantuzis da niilöin pidämine on jo tulluh hyväkse perindökse .Tämä perindö eläy Anuksen kanzallizes kirjastos jo kaksikymmen vuottu .Algavui se vahnembien lugijoin kilvas , kudaman jälles rahvas iče sanottih , gu mielihyväl ruvettas kerävymäh tarattamah livvikse .Sidä tiedy himoniekkua pagizemah karjalakse vuozi vuottu vai liženöy .Anuksen kirjaston emändän Galina Fedulovan sanoin mugah , rahvas kerävytäh hyvin , vikse ylen äijäl atkaloijah omua kieldy .Pädis tarattua livvikse -vastavus algavui Alavozen taigin -teatrustuudien ezityksel .Teatran rahvas ozutettih oman uvven Enzimäzet kurortniekat –spektaklin Antti Timozen kerdomuksen mugah .Tämä on jo viijes teatran ruado .Karjalakse sen on kiändänyh Valentina Libertsova .
– Moskovalaine turistu kerran kyzyi minuu : "Tiijätgo sinä moizen kerdomuksen "Enzimäzet kurortniekat ". Minä sanoin , gu en tiijä .Sit häi vedi minuu Petroskoin kirjastoh .Sie se kerdomus löydyigi ylen vahnas Sever-žurnualas .Luvin sen , kačoin , ajattelin .Meil nikonzu ei olluh mostu spektaklii toizis kerdomuksis otettuu .Tulin kodih , luvin sen omile artistoile .Hyö sanottih , rubiemmo varustamah da ozuttamah .Se juumorukerdomus oli ylen lyhyt , pidi kuda-midä sinne ližätä .Muga panimmo spektaklih bes’odat , tansut da pajot , kudamat pajatti meijän Kummazet-pajojoukko .Joga artistu valličči omah iččeh niškoi kyläläzen roulin da oli omii paginoi pidämäs .Kai , midä oli ozutelmas – sovat , ruadobrujat , muut vešitä – iče lövvimmö da toimmo tänne , kel midä oli .Kuus azuimmo sen spektaklin .Konzu ruado on mieleh , kai terväh menöy , sanelou Ol’ga Limarenko , Alavozen taigin-teatrustuudien ohjuaju .
– Spektaklii kaččojes rahvas nagrettih vačat kibiekse . Kai , midä oli ozutettu sie da sanottu , voinnus olla karjalazien elokses mittumastahto korbikyläs Nevvostovallan aigua .Sil aigua hierun rahvas ei ni tietty , mi se on kurortu da ylen äijäl varattih sidä sanua , kerdu dielo oli jälles rahvahanväliste voinua .Muga vallasolijat työtäh hierun mužikkua suveh , kuspäi häi huogavunnuh tulou hyväs mieles .Enzimäzet kurortniekat -spektaklin jälles karjalan kielen tiedäjät yrrästettihes lugemah runoloi da kerdomuksii karjalan kielel , pajattamah pajoloi .Anukselaine Vera Mušket lugi Anna Usovan runon "Karjal ",Marija Trofimova čomis karjalazis ruutis pajatti ičen kiännetyn ven’alazen pajon "Humalassah kui joimmos ", alavozelazet dovarišat Vera Larionova da Jevgenij a Digujeva saneltih omii eloksespäi otettuloi juumoruistourieloi .Valentina Libertsova pajatti karjalakse oman keksityn baijutuspajon .Pädis tarattua livvikse -vastavuksen lopus Anuksen kanzallizen kirjaston ruadajat , vastavuksen järjestäjät Galina Fedulova da Tatjana Romanova piettih Karjalazet syömizet – tiedokilvan , kudai oli juattu kahteh ozah : "Kalamuagarit " da "Emändy on kynzis kylläine ".Kilbuniekoil pidi jagavuo joukkoloih , niidy oli kolme , keksie joukon nimi da vastata kyzymyksih .Kyzymykset ei oldu kebjiet , hyvin pidi tiediä , midä kalahistu da maidohistu syödih karjalazet ennevahnas , midä pastettih da pandih stolale kallehen gost’an tulendakse .Pidigi sellittiä , mibo se on tönčöi , pačoi da hapoikala .Kai joukot hyvin ozutettih omua iččie , arvostajat ei ruvettu valliččemah parastu .Pädis tarattua livvikse -vastavuksel puutui kylläl tarattua karjalakse daigi tiijustua äijän uuttu karjalazien syömizis da argielokses .Sanakse , pagin karjalazis syömizis da pastoksis jatkui stolan tuan magieloi piirualoi syvves da čuajuu juvves .Putin karjalazet emändäthäi gust’ua čuajuttah ei jätetä .
Anuksen kirjastos taratettih livvikse
карельский: ливвиковское наречие
Новописьменный ливвиковский