Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Patriottine desantu Segežas
Nadežda Mičurova
Patriottine desantu Segežas
карельский: ливвиковское наречие
Новописьменный ливвиковский
Karjalan
Rahvahan Liitto on pannuh rattahile oman uvven projektan , kudaman nimi on "Karjalu hengis . Histourii . Kieli . Kul’tuuru ".Tulien vuon rodieu jo 80 vuottu , kui loppih Suuri Ižänmualline voinu .Karjalu oli piästetty vihažniekois vähästy aijembi da pidäy merkittäviä pruazniekkua tänä vuon .Uuzi projektu avvuttau mustoittua da sanella Karjalan nuorile eläjile meijän omamualazis urholois , heijän elokses da urhotegolois , gu voinuhistourii jiäs elävänny .Ligakuudu 30. päivänny KRL :n projektan mugah järjestetty "Patriottine desantu " kävyi Segežan kirjastoh , kus vastavui nuorižonke .Vastavukseh tuli Segežan keskiškolan noumeru kuuzi opastujii , heidy oli piäle viijenkymmenen hengie .Tuli Karjalan Rahvahan Liiton Segežan liittolazii da linnan eläjiigi .Nuoret tiijustettih äijän mieldykiinittäjiä faktua voinas , bojumašinois da ammunduvehkehis , kačottih lyhyzii fil’moi voinas da omamualazis urholois , kuduat suadih Nevvostoliiton urhoi -arvonimen .Nevvostoliiton urholoin luvettelus on kaksikymmen kaheksa karjalastu nimie .Niilöi nimilöi ylbieh kannetah linnoin da kylien uuličat , opastundulaitokset .Segežasgi on kaksi uuliččua , kudamat suadih rohkieloin neidizien da partizuanoin Marija Melentjevan da Anna Lisitsinan nimet .Nygöi nämis urholois voibi lugie karjalan kielelgi Ruwiki-sähkötiedosanakniigas da Oma Mua -lehten sivuloil .Tämä suuri ruado sai azuo Segežan eläjän , Kodirannan histourien tiedäjän Galina Petrovna Mihailovan avul , kudai äijän vuottu keräi da helläh säilytti tiedoloi omamualaizis urholois .Jälles paginoi da film’oin kačondua yhtes Oma pajo-horanke pidoh tulluot pajatettih kaksi voinanaigastu hyvin tundiettuu Kat’uša - da Voitonpäivy -pajuo ven’akse da karjalakse ."Voitonpäiviä " nostih pajattamah kai seizoi . Vastavuksen lopus opastujat allekirjutettih poštukartočkat voinien veteruanoih da saldattoih niškoi , kuduat nygöi puolistetah meijän muadu .Nämmä poštukartočkat hyö suajah tulien vuon Voitonpäivinny .Karjalu hengis . Histourii . Kieli . Kul’tuuru -projektu on azuttu Karjalan tazavallan piämiehen grantufondan jen’goih .Vuvven loppussah "Patriottine desantu " vie kavyy Karhumägeh , Pitkyrandah , Alavozeh da Jessoilah .Projektan lopus liittolazet kačotah azuo Karjalazet Ižänmuallizel voinal -fotokuvaozuttelun , kerätä yhteh vahnat voinanaigazet fotokuvat da fotokartočkat veteruanoinke .Karjalan Rahvahan Liitto potakoiččou kaikkii kannattamah Liiton toimindua da yhtymäh uvven projektan pidoloih .
Patriottine desantu Segežas
карельский: ливвиковское наречие
Новописьменный ливвиковский