Тексты

Valentina Libertsova. Alavozes piettih Karjalan nedäli

подкорпус: публицистические тексты

Источник:

Oma mua. № 11, 2026, с. 2

Valentina Libertsova

Alavozes piettih Karjalan nedäli

карельский: ливвиковское наречие
Новописьменный ливвиковский

Ehki
kiehuu
elaigu
nygyaigazis
školis
! Ilmai
opastundua
, joga
päiviä
suau
yhtyö
mittuzehgi dieloh
. Se
hyvin
nägyy
Alavozen školan
VK-sivul. Ga
yksisama
ei
sie
unohteta
perindöllizii
pidoloi
, kudamih
kuuluu
Karjalan
nedäli
. Sih
varustutah
jo
vuvven
aloh
, dai
joga
opastai
joga
kluasas
pidäy
mittuongi urokan
, kižan
, kilvan
, hommuau
kävyndän
ekskursieloile
školan
libo
kul’tuurutaloin
muzeih
, kylän
kirjastoh
libo
ajelendan
Anuksen
muzeih
. Sanommo
, nelländes
kluasas
oli
Karjalan
vezirikkahuot-kižaurokku. Lapset
aktiivizesti
yhtyttih
sih
, kaikis
enimäl
miellyttih
jälgimäzeh
Päiväine
da
pizarehet
-liikehkižah. Enzimäzen
da
toizen
kluasoin
opastujil
piettih
interaktiivine
Minun
kaunis
randu
! -kiža
, kuduas
pidi
ozuttua
omat
karjalan
kielen
da
kul’tuuran
tiijot
, arvata
viizahii
karjalazii
arbaituksii
. Puutuigi lapsil
kylläl
kižata
da
kuvata
toine
tostu
kummallizien
školan
muzein
ennevahnallizien
ezinehien
kel
. Kolmanden
kluasan
opastujat
käydih
muzeih
niidy
tunnustamah
. Niilöinke
sai
elostuagi väliaijal
: ottua
tablikot sanoinke
da
eččie
, kus
se
vešši
viruu
da
mih
pädi
ennevahnas
.
Ol’ga Vladislavovna Koškina pidi
viijenden
kluasan
opastujienke
mieldykiinnittäjän
folklouru-urokan, sie
oli
mil
ovvostua
da
midä
nagrua
! Kaikil
lapsil
ollah
mieldy
myö
viizahat
karjalazet
arbaitukset
, sananpiät, suarnat
da
kižat
. A
11. kluasas
Ol’ga Vladislavovna pidi
Sergei Jeseninan runoloin
Vladimir Brendojevan kiännökset
-flešmoban. Moizen
flešmoban pidigi 10. kluasan
johtai
Ilona Kasjanova. Jälgikluasoin opastujil
oli
diivu
, kui
tarkasti
Vladimir Jegorovič kiändi
runoloi
. Nygöi
literatuurah
annetah
vähembi
opastusčuassuu, a
iče
lapset
kävväh
kirjastoloih
harvembah
da
lugietah
vähembän
. Sih
niškoi
pagizi
jälgipivos školan
kazvatuspuoles vastai
varajohtai
Jelena Tunkel’ da
kehitti
puaksumbah
da
enämbän
lugemah
kniigoi
, kaikis
enimäl
oman
muan
kaunehliteratuurua
. Täs
jälgipivos yhtyttih
matkustandu Karjalan
muadu
myöte
, karjalan
runoloin
lugijoin
kilbu
da
paginat
ozanottajien
kel
. Čoman
prezentatsien vuoh
lapset
mustoitettih
oman
muan
mustokohtat, erähät
perindöt
, tiijustettih
uuttu
Vladimir Brendojevan tevoksih
nähte
.
Äijät
kilbah
yhtynyöt
lapset
lugiettih
Vladimir Brendojevan runoloi
. Kaikin
lapset
varustuttih
hyvin
, ellendettih
, midä
ezitetäh
, hos
runot
erähil
oldih
jygiet
ellendettäväkse. Vallita
parahii
ei
olluh
helpo
. Vahnembien
joukos
uskottavasti parahannu
rodih
Jekaterina Prohorova. Algukluasoin
joukos
rodih
kolme
voittajua
: Mira Matveičuk, Sofija Mönkinen da
Tihon F’odorov. Brihačču
lugi
Vladimir Brendojevan runon
"Pienes
hierus
", kudai
Anuksen
čupul
on
kuulužu
kui
Terveh
, briha
-pajo
.
On
hyvä
mieli
, ku
Alavozen školan
opastajat
da
opastujat
otettih
vastah
ilmoitettu
Brendojevan vuozi
. Gu
parembi
tiijustua
runoilijan
elaigua
da
tevoksii
, tahtotah
vie
myöhembä pidiä
runoilijale
omistettu
illačču
.