Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Mitä tuou Aunukšen festivali?
Nadežda Vasiljeva
Mitä tuou Aunukšen festivali?
карельский: собственно карельское наречие
Новописьменный севернокарельский
Piirissä
šyntynyt tunnettu karjalaini kirjailija ta runoilija ois täyttän 95 vuotta .
Vuuvven aikana Aunukšen mualla vietetäh tällä tapahtumalla omissettuja tilaisukšie .Yksi niistä mänöy jo kuukauven piäštä šulakuun puolivälissä .
Še on šuuri alovehien välini Piäroolissa on Karjala -festivali harraššušteatterija varoin .Karjalan Rahvahan Liitto järještäy tilaisuon Karjalaiset perintehet teatternäyttämöllä -projektin rajoissa Karjalan tašavallan piämiehen granttišiätijön kannatukšella .
Kakši kollektiivie Kalevalan piirissä lähetti anomukšet festivalih .MKŠ-studijon artistat ei voitu penkuo šemmoista luajua tapahtumua .Teatteristudijo toimiu Kalevalatalo-etnokulttuurikeškukšen tiloissa jo kakši vuotta .Ennein melkein kaikki šen artistat etuššettih Kalevalan kanšanteatterie , kumpani monta vuotta ruato šujuvašti ta tulokšellisešti .Männyinä vuosina šen ošallistujat vierailtih Aunukšešša , ošallissuttih šilloseh Aunukšen vakkani-teatterifestivalih ta tuotih kotih palkinnon šuajien diplomija .Nyt heitä uuvveštah vuottau vaštautumini aunukšelaisien kaččojien kera .
Tällä kertua kalevalalaiset tuuvvah festivalih Uškokkua tahi elkyä , vain näin še oli -spektakli .Kollektiivin ohjuaja on Karjalan anšijoitunut kulttuurialan ruataja Valentina Saburova .Spektakli kertou kylän eläjien juttuja .
Šamoin Piäroolissa on Karjala-festivalih halutah ošallistuo karjalan kielen kurššien opaštujat Borovoi-pos’olkašta .Naiset et pietä iččie teatteriartistoina , ka ideja ta halu ošallistuo festivalih ei šattumalta tullun heilä .Hyö šäilytetäh ta kehitetäh karjalan kieltä , herätetäh mielenkiintuo karjalaiseh kulttuurih .Juuri šiih on šuunnattu tulija alovehien välini festivali .
Tulijan esitykšen käsikirjutuš on jo valmissettu .Še pohjautuu borovoilaisien naisien muisselmih vanhempien talošša .Naiset liisättih arhiivaperehvalokuvie , valittih ta kirjutettih runoja ta lauluja .Hyö vietetäh harjotteluja , korjatah käsikirjutušta .
– Meilä on mielenkiintissta , mi tulou meininkistä , kertou karjalan kielen kurššien ohjuaja Tatjana Sidorova . – Rupiemma kilpailomah tašavallan teatterikollektiivien kera , ka še ajatuš ei varauta , vet meilä on tärkie šuaha hyvyä energijua luovašta ruavošta . Šamoin ošallistuon festivalih kehitämmä pakinataitoja karjalan kielellä .Eikö še ole ihana ?
Nyt kollektiivit harjotellah , täyvennetäh joka virkehtä , joka liikehtä .Joka päivä hyö čopakašti ruatah .Mimmosen tulokšen še tuou ?Še tulou šelväkši 17.–18. šulakuuta , konša vietetäh Piäroolissa on Karjala-festivalie .
Mitä tuou Aunukšen festivali?
карельский: собственно карельское наречие
Новописьменный севернокарельский