Тексты
Вернуться к списку | редактировать | удалить | Создать новый | Статистика | ? Помощь
Aleksandra Lesonen. Koštamukšešša kaimattih talvie tet’orkittain
Aleksandra Lesonen
Koštamukšešša kaimattih talvie tet’orkittain
карельский: собственно карельское наречие
Новописьменный севернокарельский
Tapahtuma
, mi piettih Gerojev-kavun rantah johtajan lašun alovehella , keräsi äijän kaupunkilaisie .Ihmiset tultih pruasniekkah kuin viettämäh aikua , niin ni tuntomah kevyän läheštymistä .
Juhlan järještäjät , Sredakulttuurikehityškeškukšen ruatajat kerrottih :
– Festivali on myöštymini Arhankelin gubernijan perintehih , mih Koštamukšen muat ennein kuuluttih .Ennein vanhah juuri tänä päivänä paissettih koristehellisie tet’orka-sriäpnöjä , ta kučuttih muuttolintuja , jotta kevät ta päiväni myöššyttäis rutompah .
Pitän talven jälkeh ihmiset erityisešti tarvitah lämpyö , valuo ta yhtehistä ajan viettuo .Šentäh juhla oli monella tärkie : še anto mahollisuon unohtua proplemoista , tavata yštävie ta viettyä pyhäpäivä ilosen kanšanperintehen piirissä .
Ohjelma oli monipuolini .Yksi keškisistä kentistä oli jarmankka-aukivo , missä tarittih herkkuja joka makuh .Erityistä huomijuo herätti perintehellini lahjapylväš – juhlan yksi mukavimmista huviloista .Rohkiet ošallistujat yritettih karhata šen huippuh palkinnon toivošša , a kaččojat autettih heitä räpytykšillä .
Niise voimamiehien kilpailut kerättih rahvašta .Ošanottajat esitettih voimuah ta keštävyttäh , ta kaččojat innokkahašti kannatettih heitä .Lisäkši ohjelmašša oli vesselie kilpailuja t’orkkojen ta mattojen kera , lauluja ta vauhikkahie tanššija .
Ihmisillä , ket tahottih ikuistua juhlatunnelmua oli järješšetty temaattini valokuvauškohta .Värikkähät lavaššukšet perintehelliseššä tyylissä , autettih kaikkija luatie kirkkahie kuvie muissokši .
Koštamukšeh tuli niise vierašta – Aurinko-kuklateatteri Rukajärveštä .Yli 30 vuotta toiminut ta lukusie palkintoja šuanut ryhmä esitti Päiväsen ečintä -musiikkinäytelmän – lämpimän starinan kevyäštä ta valošta , mi šopi täyvellisešti juhlan tunnelmah .
Festivalin huippukohakši tuli monikanšallini piirileikki Venäjän kanšojen yhtenäisyön vuuvven kunnivokši .Ošallistujat pyörittih tet’orkan muotosešša kruukašša .Vierahat šuatih niise maissella perintehellisie tet’orka-sriäpnöjä , kumpasie paissettih Koštamukšen jeparhijašša .
Talven kaimuamini ta kevyän vaštahotto on uuvvistumisen , toivon ta uušien alkujen aika .Šemmoset juhlat muissutetah perintehien merkitykšeštä , kerätäh ihmisie yhteh ta täyvennetäh elämyä lämmöllä , mitä kylmänä vuuvvenaikana rikeneh ei riitä .Vierahien tunnelman mukah tänä vuotena Koštamukšešša otettih vaštah kevät oikein kirkkahašti – muhahukšien ta nakrun kera .
Koštamukšešša kaimattih talvie tet’orkittain
карельский: собственно карельское наречие
Новописьменный севернокарельский
–