Тексты
Вернуться к списку | редактировать | удалить | Создать новый | Статистика | ? Помощь
Makarov Toivo . Jauhošäkki yšäššä
Makarov Toivo
Jauhošäkki yšäššä
карельский: собственно карельское наречие
Новописьменный севернокарельский
Kyllä
še vanhoissa kylissä oli monta niin šanottuo legendarista mieštä .Miun šyntymäkylä ei ollun šuuri , näin kymmenini taluo lienöykö ollun .Šielä rahvaš ei ollun rikaš , šentäh kyläläisie nimitettih paikkahuotriksi .Tottaše köyhyöštä johtu še , jotta kylän eläjät oltih hyvin älykkähät ta viisahat .
Ottua hoš meijän kylän Makarie-ukko .Ei hiän ollun vielä vanha , ka kučuttih ukokši , šentäh kun hänellä oli notkieni parta .Višših hiän oli kaikista viisahin .Hänen pereheššä oli äijän lapšie , šentäh hyö elettih köyhähköisešti ta Makarien toperi joka talvi lähtie rahtin ajoh .Hyvä kuin hevoisparka oli .
Tuaš kerran keräyvyttih miehet , kuletetah rahtie talvitietä , vaštah tulou jyrkkä termä , heposet vuahissa šelät vaštakynttä kutakuin nouššah termäh .Miehet hypätäh rekilöistä ta autetah takuata päin kuormie pukata .Yksi vain Makarie rejen piällä istuu , ruoška kiäššä ta jauhošäkki yšäššä , polvien piällä .
Miehet kyšytäh :
– Makarie , mintäh šie issut reješšä jauhot polvilla ?
Makarie vaštuau :
– Ka jauhot yškäh otin , jotta heposella olis kepiempi .
Jauhošäkki yšäššä
карельский: собственно карельское наречие
Новописьменный севернокарельский
–
–