Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Tullis poikki Kindahah
Ol’ga Dubitskaja
Tullis poikki Kindahah
карельский: ливвиковское наречие
Новописьменный ливвиковский
Kindahan
kyläs 19. kezäkuudu , perindön mugah , piettih juumoran festivuali .Tänä vuon festivuali oli tansilline .Pivon luadijat tahtottih kiändyö perindöh , tahtottih luadie moine festivuali , kuduannu se pidi olla alguhpanijan Viola Mal’min mieles .
Kolme pruazniekkua yhtes päiväs
Rodiihes muga , ku 19. kezäkuudu oli kolme pruazniekkua – juumoran festivuali , Sroičanpäivy da Viola Mal’min nimizen V kanzoinvälizen suomelas-ugrilazien kanzoin horeogruafien festivualin kolmas päivy .Sanakse , Karg kucub -festivuali 17. da 18. kezäkuudu oli Petroskoin linnas , a kolmandennu päivänny sen gost’at , kuduat tuldih Latvias , Suomes , Estounies , Leningruadan da Kostroman alovehel , Tatarstanas da Marii-El -tazavallas da Karjalan eri čuppuloispäi , ozutettih omii tansiloi kindahalazile .Pruazniekan gost’at tansittih suurel vaste vai srojitul laval .
Sroičanpäiviä gostile puutui pruaznuija yhtes Karjalaine gorničču -ansamblinke .
Iloitustu eri maguh
Pruazniekal oli äijy eriluadustu iloitustu .Erähäl ahol oli Kindahan kylän olimpiuadu .Pidi ostua "lykkyluba " da yhtyö yhteh kolmes libo kaikkih kilboih .Kummu oli kaččuo , kui rahvas vastukarai binoklih kaččojes opitah sordua kalua kuatančal .Ei kaikil lykystännyh täs "kalastamizes ".Toizes olimpiuadan kohtas pidi suurel puuluzikal lykätä boba .Kolmandennu oli ammundu rogatkas rožiloih .Erähät , kelle puutui kiändiä oza ezin iččehpäi , suadih lahjoi .
Oldih tansit , pajot , eriluaduzet kižat lapsih niškoi .Pruazniekan gost’at voidih kävvä Kindahan muzeih kaččomah juumorufestivualin histouriedu , ottua kuvua Aijan mašin -fotoateljees .
Kindahan arbuattu
Kodiloin välis oldih neroniekoin pitkät rivit .Sie sai ostua eriluadustu mustolahjua puus , tuohes , biiseras , kangahas , saves da muudu azutestu .Ku lienne nälgävyit , sit voit ostua magiedu piiruadu da ryypätä hiilavua čuajuu .Rahvas voidih oppie da ostua Karjalas suaduu kalua , tiä valmistettuu juustuo da muudu syömisty .
Tule kižuamah da tansimah !
Pruazniekan rahvahal puutui tansie kylläl .Pivos oli suuri konsertu , kylän flash mob , kylän kruuga da "Kindasovskii raskolbas ".
Juumorufestivualis oli mahto ongittua sorzua , yhtyö arbajazih , luadie ičele dengua bronzas libo tinas .
Vihmusiäh kaččomattah rahvastu pruazniekal oli äijy , kaikin iloittihes da oldih hyväs mieles .
Tullis poikki Kindahah
карельский: ливвиковское наречие
Новописьменный ливвиковский