Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Uuzi sanakniigu: livvispäi ven’akse
Ol’ga Dubitskaja
Uuzi sanakniigu: livvispäi ven’akse
карельский: ливвиковское наречие
Новописьменный ливвиковский
"Oman
Muan " toimitukses vai veriät huškau – rahvas tullah kyzymäh da ottamah Suurdu karjal-ven’alastu sanakniigua , kudamua voibi suaha Kanzallizen poliitiekan ministerstvaspäigi . "Oma Mua " pagizutti Tatjana Boikuo , tämän sanakniigan luadijua .
Karjalan kielen sanakniigu (livvin murreh ), kuduan luadijannu on Grigorii Makarov , oli piästetty ilmoih jo loittozennu 1990 vuvvennu .Nygöi tädä sanakniigua jo ei sua löydiä nikus .A sidä puaksuh pidäy kädeh karjalakse kirjuttajile da karjalakse kiändäjile .
Tänä sygyzyn piäzi ilmoih Tatjana Boikon Suuri karjalven’alaine sanakniigu , kuduas on läs 18 tuhattu sanua .
– Tädä sanakniigua minä alloin kirjuttua vuvvennu 2011, a mennyt vuon sygyzyl lopin sen ruavon , sanou Tatjana Boiko . – Meijän kielen laitoksen ruadajat ylen tarkah lugiettih minun sanakniigu , annettih ylen äijy hyviä nevvuo da huomaičustu , nevvottih ottua abuh kaksi toimittajua . Karjalan kielen puoles sanakniigua suostui lugemah Ol’ga Ogneva , a ven’an kielen puoles – Svetlana Nagurnaja , jatkau tiedonaine .
Paiči sanoin kiännösty , sanakniigan jogahizel sanal on kolme muoduo – substantiivois ollah yksikön genetiivu , yksikön da monikon partitiivu da verbilöis – yksikön enzimäine da kolmas persounu da monikon kolmas persounu .
Kyzymykseh mittuzet eričukset ollah uvven da Makarovan sanakniigoin välis , Tatjana Petrovna vastai , ku Grigorii Makaroval on äijy kauzatiivistu da momentatiivistu verbie .Uvves sanakniigas niilöi ei ole .Tämä vereksel luajittu sanakniigu on normiiruittu da sie on mostu uuttu sanua , kui brauzer , interaktiivine kirjutuslaudu , langatoi yhtevys da muudu .Sanakniigah on otettu kirjaimikon uuzi c-kirjain , kuduadu , Tatjana Boikon mielen mugah , pidäy käyttiä .Nygöi Tatjana Boiko tahtou luadiegi karjalan kielen livvin murdehen oigiehkirjutussanakniigu .
– Minuu miellyttäy , ku nuoret nygöi ollah kiinnostunnuot karjalan kieleh . Yhtet kävväh karjalan kielen kursiloih , toizet opastutah ičeväil , opitah käyttiä kieldy internetas .Erähät vahnembatgi opastetah omii pienii lapsii pagizemah karjalakse .Se on ylen hyvä .Se ozuttau , ku meijän karjalan kielel on tulii aigu , pidäy varmuttu Tatjana Boiko .
Kielentutkijan sanoi tovestau segi , ku vuvven 2016 ilmah piästetyn Tatjana Boikon da L’udmila Markianovan Suuri ven’a-karjalazen sanakniigan PDF-versien pani tallele piäl 8 000 hengie .
Uuzi sanakniigu: livvispäi ven’akse
карельский: ливвиковское наречие
Новописьменный ливвиковский