Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Uuttu kniigupualičale
Ol’ga Dubitskaja
Uuttu kniigupualičale
карельский: ливвиковское наречие
Новописьменный ливвиковский
Piäzi
ilmoih Natalja Čikinan uuzi kniigu karjalan kirjalližuos , kuduan nimi on "Karjalankielizen kirjalližuon probliemat Vladimir Brendojevan luomisruavos ".
Karjalankielizen kirjalližuon probliemat Vladimir Brendojevan luomisruavos -kniigu on Natalja Valerjevna Čikinan kolmas monogruafii .Enzimäine kniigu "Nygyaigaine karjalankieline kirjalližus " piäzi ilmoih vuvvennu 2011.Toine kniigu – "Karjalan kirjalližus lapsih niškoi suomen , karjalan da vep sän kielil " nägi päivänvalgien vuvvennu 2012.
Karjalankielizen kirjalližuon probliemat Vladimir Brendojevan luomisruavos -kniigas on kaksi ozua .Enzimäzes ozas kirjuttai kerdou Vladimir Brendojevan elaijas da luomisruavon allus , kui häi algai kirjuttua karjalakse .
Kniigas on kaikkien tevoksien kui runoloin , mugai prouzan , sellittely .Uvven kniigan eräs pygäl on omistettu Kadai-runoelmale .Tämä runoelmu livvinkarjalazil on , voibi sanuo , ainavo suuren lajin tuoteh .
Kniigan toizes ozas on kačottu nygyaigazien karjalankielizien runoilijoin luomisruado .Niilöin joukos on kirjutettu lyydiläzen Miikul Pahomovan tevoksis , ongi sie Aleksandr Volkovan kirjalližusportriettu .
Karjalankielizen kirjalližuon probliemat Vladimir Brendojevan luomisruavos -kniigas on sanottu nygyaigazien runoilijoin kirjalližuon mielikuvis .Natalja Čikinan sanoin mugah , runoilijat hyvin kirjutetah vies , ilmas , tules , muas sendäh , ku kaikin hyö ollah kylis rodužin .
Tutkii pahelziu , ku nygyaigazil kirjuttajil on vähä tiemua , hyö kaikin kirjutetah luonnos , Karjalas , karjalan kieles , omis jälgeläzis .Nämmä tiemat , tiettäväine , ollah tärgiet , ga Natalja Čikinan mieles olis hyvä , ku hyö kirjutettas toizisgi aihielois .
– Pahakse mielekse on ylen vähä karjalankielisty kirjalližuttu lapsih niškoi . Kai kirjalližus on omistettu 8-10 vuottu nuorembile lapsile , sanou Natalja Čikina .
– Kniigua keskenkazvuhizih niškoi da šeikkuliteratuurua nivouse ei ole , jatkau naine .
Meijän paginan lopus Natalja nevvoi kaikile kirjuttajile , ku pidäy eččie uuzii tiemoi da vältämättäh jatkua kirjuttamistu ielleh .
Uuttu kniigupualičale
карельский: ливвиковское наречие
Новописьменный ливвиковский