Тексты
Вернуться к списку | редактировать | удалить | Создать новый | Статистика | ? Помощь
Pavlenko Uljana . Nuoriso pyyhkiy pois rajoja
Pavlenko Uljana
Nuoriso pyyhkiy pois rajoja
карельский: собственно карельское наречие
Новописьменный севернокарельский
Forumi
oli omissettu Venäjän kanšojen yhtevyön vuuvvella .Še keräsi ošallistujie Puudožin , P’al’man , Kubovon , Avdejevon , Karševon ta Šal’skii-kylän opaššušlaitokšista .
Tilaisuš anto nuorilla ihmisillä mahollisuon vajehtua idejoja , kehittyö ammatillisešti ta näyttyä omua luovua työtä .
Avajaisissa ošallistujie tervehittih koulun johtaja Natalja Lisina , Puudožin piirin kašvatušneuvonantajien kunnallini koordinattori Anna Tiškova , Puudožin 3. koulun opaštaja Uljana Pavlenko ta Karjalaisien X kerähmön valtuutettujen neuvošton johtaja Inga Gurilova .
Šiitä kaččojie ihaššutettih eri luokkien opaštujien , House dance -tanššistudijon , Generation Crew -joukon kirkkahat ta elävät luovat esitykšet .
Forumin aikana kaikki ošallistujat šuatih liittyö eri luovih tiloih : Painokankaš , Kaspaikka , Koulun musejo , Nuori armeija , Karelian Kieli , Musiikkitila , Alotuš-kykysen nuorison aloveh , Kanšanšoittimet .Niissä tiloissa ošallistujat šuurella innolla šuoritettih tehtävie , kehitettih ta näytettih omie taitoja .
Tilaisuon kaikilla järještäjillä ta vierahilla tarittih makie päivällini ta illallini , mitä huolellisešti valmissettih koulun ruokalan ruatajat .
Forumin lopušša Beregin’a-kanšanyhtyvehen ošallistujat järješšettih interaktiivini Yhtevyön ritmit -tilaisuš .Še yhisti eri-ikäsie ošallistujie ta anto oikeita elävie tuntehie .Kaikin pyörittih yheššä piirileikissä .
Ošallistujat koroššettih forumin korkieta tašuo , aiheijen aktualisutta ta mahollisutta tutuštuo uuših ihmisih .Toivomma , jotta forumi yllytti nuorie ihmisie tulijih šuavutukših .Järještajinä ollešša myö ottima huomijoh kaikki toivomukšet ta lupuamma , jotta šeuruava forumi tulou luajemmakši ta mukavammakši .
Šiitä tapahtumašta tuli tärkie aškel kohti nuorisoyhteisön kehittämistä .Forumi näytti , jotta nuorison energija ta idejat šuahah muuttua muailmua paremmakši , a kaikki rajat ollah vain kartoissa .
Kiitämmä avušta piirin lapšien luovan työn talon ruatajie D .V . Andersonie ta N .V . Filippovua , J .N . Anhimkovua , I .S . Titovie , O .S . Bodnarie , A .S . Tiškovua ta toivomma , jotta tulokšekaš yhteistyö jatkuu .
Šamoin tulokšekkahašta ruavošta kiitämmä Enšimmäsien liikkehen , 6 B -luokan aktivistija , Puudožin 3. koulun yläluokkalaisien neuvoštuo ta Mediakeškušta .
Nuoriso pyyhkiy pois rajoja
карельский: собственно карельское наречие
Новописьменный севернокарельский