Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Sydames om lyydin pagin
Ol’ga Dubitskaja
Sydames om lyydin pagin
карельский: ливвиковское наречие
Новописьменный ливвиковский
Mennyön
vuvven lopus Kanzallizen poliitiekan ministerstvas sanottih nuorien kirjuttajien kilvan voittajien nimet .Omat kurjutukset työttih kilbah kaksitostu karjalastu , nelli vepsälästy da nelli suomekse kirjuttajua .Voittajikse piäzi viizi hengie – kolme karjalastu , yksi vepsäläine da yksi suomen kielel kirjuttai .Karjalakse kirjuttajien voittajien joukkoh puututtih vienankarjalaine Tatjana Dembitskaja , liygiläine Anna Usova da lyydiläine Nadežda Koval’čuk .Kilvas oppi ozua da ozutti hyvät kirjuttamizen nerot vie yheksä hengie .Niilöin nimet tiijustatto "Oman Muan " uvves Tartu kynäh -rubriekas .Täl kerdua lugekkua lyydiläzien Nadežda Koval’čukan da Nadežda Vdovinovan kirjutustu .Vuitti kilbah työttylöis runolois jullatah vuvven 2017 Taival-almanakas .
– Olen roinnuhes Ylič-hieruh , kudai kuuluu Kuujärveh . Lapsennu pagizin vaiku lyydikse , ven’akse en maltanuh nivouse , mustelou Nadežda Ivanovna Koval’čuk , eräs Kanzallizen poliitiekan ministerstvan Nuorien kirjuttajien kilvan voittajis .
Viideh vuodessah Nadežda pagizi vaiku omal lyydin kielel da oli buaban kačottavannu .Sit hänen pereh muutti Kuujärveh , kus Nadežda lähti päivykodih da sen jälles školah .Oldih moizet aijat , konzu kiellettih karjalakse pagizemas .Sil aigua Nadežda Ivanovna opastui ven’an kieleh , ga oma lyydin kieli yksikai oli inehmizen piäs .
Uvvessah käyttämäh omua lyydin kieldy Nadežda Koval’čuk rubei vuvvennu 2008, konzu Lidija Ivanovna Potaševa rubei pidämäh Kuujärves lyydin kielen kursiloi .
– Minä opin paista lyydikse kylän buaboloin da died’oloinke da ellendin , ku en voi paista heijän jyttyöh .
Sit Nadežda Ivanovna piättigi , ku pidäy mustoittua oma kieli , paista sih , ei pie huijustellakseh .Sil aigua oli kirjutettu Nadeždan enzimäine runo .
– Konzu minä varustin ildastu , piäh tuli runo . Se oli minun enzimäine runo , sen kirjutin yhtes čuasus , sanelou Nadežda .
Se oli runo omas hierus .Jälles sidä "kirjutan stolah ", kirjutan , ga en ozuta nikelle , engo työnnä painettavakse .
Nadežda Koval’čukal , paiči runuo , on kirjutettu kerdomustu , mustelmua omas perehes da častuškua eri aihielois .
Nadežda pahelziu , ku niken , paiči Miikul Pahomovua , ei kirjuta lyydikse , hos olisgi maltajua .
Yhtyö Kanzallizen poliitiekan ministerstvan Nuorien kirjuttajien kilbah Nadeždua kuhkutti kuujärveläine Raisa Jevgenjevna Kopaneva .Yhtes Nadeždanke kilbah yhtyi vie eräs lyydiläine inehmine – Nadežda Vdovinova , kudai sežo työndi kilbah omua runuo .
Pidäy mainita , ku Nadežda Koval’čukan enzimäine runo oli painettu Lyydiläine-lehteh .Kilbah inehmine työndi kuuzi omua runuo da yhten kerdomuksen da voitti lyydiläzien keskes .
Myö hyvittelemmö Nadeždua da toivotammo uuttu kirjutustu da runuo !
Sydames om lyydin pagin
карельский: ливвиковское наречие
Новописьменный ливвиковский