Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Virantanaz – kerdomus vepsäläzien elaijas
Ol’ga Dubitskaja
Virantanaz – kerdomus vepsäläzien elaijas
карельский: ливвиковское наречие
Новописьменный ливвиковский
Vuvven
2016 lopus nägi päiväzen valgien Nina Zaitsevan vepsäläine eepossu "Virantanaz ".Kniigu piäzi ilmoih Periodika-julguamos ."Oma Mua " pagizutti Nina Grigorjevnua täh kniigah nähte .
Enzimäine Virantanaz-eeposan painos vepsän kielel piäzi ilmoih vuvvennu 2012, vuvvennu 2015 Verez tullei -almanuahas oli painettu "Virantanaz " da sen kiännös ven’akse .Uvves kniigas eepossu on nelläl kielel – vepsäkse , suomekse , ven’akse da estounien kielel .Suomekse eeposan kiändi Markku Nieminen , estouniekse – Jaan Õispuu , ven’akse – V’ačeslav Agapitov .
– Minä ainos kadehtin karjalazii da suomelazii , ku heil on oma eepossu "Kalevala ", a vepsäläzil ei ole , tunnusti minule Nina Grigorjevna Zaitseva .
– Joga kymmene vuottu vuvves 1992 algajen järjestetäh piduo "Vepsän kul’tuuran vuozi ". Erähän kerran Markku Nieminen kehoitti minule kiändiä vepsäkse "Kalevalan ".Minä suostuin .Sit häi kehoitti kirjuttua oma vepsäläine eepossu , dai minä uvvessah suostuin , kerdou Nina Zaitseva .– Alloin kirjuttua eepossua vuvvennu 2010, a kahten vuvven peräs se oli painettu , jatkau inehmine .
Eeposan nimi miäräi sen tieman ."Virantanaz " on Viran taloin huonukset . Pidäy muanita , ku Vir on harvinaine hristianskoi nimi .Eeposan pohjannu on XV-XVI vuozisuan legendu Martjanov-mečästäjäs .
– Paiči legendua , minä käytin eeposas tiedoloi vepsäläzien da saamelazien yhtevyksis . Sendäh Viran akku Aira on saamelaine , sen nimen olen keksinyh iče .Aira-nimi on keksitty airo-sanas .Eeposas Aira oli armoitoi , kui airo ilmai venehty , sanou Nina Zaitseva .
Virantanaz-eepossu on juattu luguloikse .Sie on rifmu , runomittu on erinomaine .Kui sanoi Virantanaz-tevoksen kirjuttai , jogahine urhoi on harakterizuittu rifmal da ritmal .
– Eeposas on sanottu suvaičukses dai surmas . Sih olen ottanuh svuad’bu - da muahpanenduitkuvirty , sanou inehmine .
Enzimäzen Virantanaz-painoksen taidoilijannu on Aleksei Maksimov .On olemas "Virantanaz " lapsih niškoi , kuduah čomazet luadi Irina Sotnikova (endine Kodima-lehten piätoimittai . – toim .).Uvven Virantanaz-painoksen taidoilijannu on Jekaterina Klimova R’azan’-linnaspäi , kudai voitti kilvas da oli vallittu eeposan taidoilijakse .
– Olen hyväs mieles omas portrietas , se miellyttäy minuu . Saamelazet sežo on risuittu hyvin , net ollah čomat , sanou Nina Zaitseva .
Virantanaz-eepossu voibi suaja Kanzallizen poliitiekan ministerstvas adresil : Sverdlovan piha , 8.
Virantanaz – kerdomus vepsäläzien elaijas
карельский: ливвиковское наречие
Новописьменный ливвиковский