Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Kaksi piduo yksis seinis
Jelena Ruppijeva
Kaksi piduo yksis seinis
карельский: ливвиковское наречие
Новописьменный ливвиковский
Mennyt
nedälil kogo Ven’al piettyh Muzeiloin yön tapahtumih enzikerdua
yhtyi Priäžän etnokul’tuukeskus , kudamas kyläläzih niškoi piätteniččän
ehtäl oli varustettu kerras kaksi piduo .Keskukses avavui obrazoin ozuttelu da Čalnan Imperija-teatru tuli gostih ozuttumah karjalastu Virzuine-suarnua .
Obrazoin ozuttelu , kuduale pandih Pohjazet kirjutukset -nimi , jo oli ozutettavannu Priäžän etnokul’tuurukeskukses kymmene vuottu tagaperin .Sen luadijannu oli Priäžän Pokrovan kirikkö , kuduah niškoi ozuttelun azundu oli enzimäzenny suurennu projektannu .Pohjazet kirjutukset -ozutt lus suau nähtä seiččie obrazua , kuduat enne oldih Priäžän piirin kirikkölöis da časounois : Kinnermäl , Viidanal , Särgilahtes , Kibras , Inžuniemes da toizis .Vahnimat niilöis ollah XVII vuozisuan aigazet .Nämmä obrazet ei olla originualat , ga ylen hyvät fotokoupiet .
Originualat nygöi ollah ruokos valdivollizis muzeilois da ei jogatoine priäžäläine voi kaččuo niilöi .
- Ozuttelun nimi "Pohjazet kirjutukset " eibo petties roinnuh , sehäi on erinomaine obrazoin mualuandutaba , kudai yhtistäy perindöllizen pravosluavizen obrazoin mualuandutavan da naivizen – prostoin rahvahan taijon . Obrazoin mualuajat ei oldu ammattimiehet , puaksuh opastuttih toine toizes , mualattih sidä , midä oli nähty toizis obrazois , sellitti ozuttelun avuajazis Priäžän etnokul’tuurukeskuksen johtai Tatjana Seppänen .
Jälles ozuttelun ezitändiä kaččojat , kudamien keskes oli äijy lastu dai vahnembua polvie rahvastu , suadih kaččuo čalnalazien artistoin luajitun karjalazen Virzuine-suarnan ven’an kielel .Čalnalazet vaste tänä tuhukuul kerryttih teatrah , kudamalepandih Imperija-nimen , da ruvettih harjaittelemah ."Virzuine " on heijän enzimäine , kui iče sanotah artistat , pieni ozutus . Voitonpäiväkse hyö valmistettih jo suuren spektaklin "Niis ikkunois kirjutettih histouriedu ".
Kaikkiedah teatras harjaittelou 12 artistua – kai inehmizet .Yhtes ohjuajanke opastutah artistoin neroloih , harjavutah oigieh pagizemah da liikkumah laval .Sanotah , toinah tuliel aigua ottavutahgi karjalankielizien spektakliloin luajindah .
Etnokul’tuurukeskuksen Muzeiloin yön aijakse varustetut pivot mielytettih priäžäläzii , hyö yhteh iäneh sanottih , ku tulien vuongi rakkahal tuldas oman kylän Muzeiloin yön tapahtumih .
Kaksi piduo yksis seinis
карельский: ливвиковское наречие
Новописьменный ливвиковский