Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Pruazniekku oman kylän hyväkse
Jelena Ruppijeva
Pruazniekku oman kylän hyväkse
карельский: ливвиковское наречие
Новописьменный ливвиковский
Mennyt
piätteniččän , 7. heinykuudu , Kodžuris Nuožarven rannal jo tostu vuottu peräkkäi piettih Iivananpäiviä .
Iivananpäiväle Nuožarven kyläkundah kuulujah Kodžurin kyläh kerdyi omuarahvastu da tulolastu gost’ua .Gostien joukos loittovimat oldih Udmurtiespäi tulluot naizet da miehet .Hyö tuldih Priäžäh Melliččy-fondan järjestettylöih opastuksih , yhteltiedy čökähtettihes Kodžurihgi , kus fondah kuulujat piettih pruazniekan .Iivananpäivän piendiä Kodžuris elavutettih mulloi .
Pruazniekan vedäjät varustettih äijän kilbua tulluoh rahvahah niškoi .Udmurtielazet da anukselazet joukot kilbailtih pajatandas da tansindas , kuului ehkoi karjalan da udmurtien kieldy silloi .Miehet opittih omii vägilöi kanuatan viendäs da kiven lykindäs .Lapset otettih ozua Sampon eččoh -ečindykižah .Iivananpäivänny perindön mugah rahvas opittih löydiä kukkii štanajalgu , Kodžurishäi pidi löydiä Sampomelliččy .Äijän mielenkiinittäjiä ruaduo pidi ruadua lapsil , kuni löyttih kummanluadii melliččy .
Ei unohtettu pruazniekan vedäjät ni vahnois Iivananpäivän perindölöis .Kehoitettih rahvastu luadimah venkoi kukkazis da laskemah niilöi viele .Sen jälles kaikin lemmen nostamizekse da omien huavehien täyttämizekse hypittih šiiloirobl’os piäliči .Toko vai oli hyviä mieldy kaikil .
Pruazniekan aigua rahvas voidih ostua paikallizien emändöin pastettuloi šipainiekkoi da keitinpiirualoi , magiedu heinyčuajuu , lohikeittuogi .Kai myöndäs suavut dengat jo ennepäi huavattih andua Nuožarven kylän pihalavan kohendamizekse .Puolilavua on lahonnuh , se pidäy kohendua , kus suas pidiä pruazniekkoi da pidoloi kyläs .Nämmih ruadoloih Iivananpäivän aigah puutui kerätä 22 884 rubl’ua , Melliččyfondu andau ližäkse vie omua 25 tuhattu rubl’ua sih .
Terväh Nuožarves ruvetah pidämäh kylän pruazniekkua , nuožarveläzet toivotah , ku ruadua se suau jo kohendetul laval .Nuožarven kylän piälikkö L’ubov’ Ponomar’ova kučui kaikkii Iivananpäiväle tulluzii 30. heinykuudu pruazniekale omah kylähgi .Tulgua työgi !Lämmy vastahotto rodieu vältämättäh !
Pruazniekku oman kylän hyväkse
карельский: ливвиковское наречие
Новописьменный ливвиковский