Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Eriluadustu piduo yhten nedälin aigah
Jelena Ruppijeva
Eriluadustu piduo yhten nedälin aigah
карельский: ливвиковское наречие
Новописьменный ливвиковский
Priäžän
školas Suuren opastajien nedälin aigah piettih Moudunedäli da opastujien ičehalličuspäivy , avattih ozuttelu , hyviteltih opastajii .
Suuri opastajien nedäli Priäžän školas rodih monipuoline da mielenkiinittäi .Ihan sen allus školas algavui Moudunedäli .Mostu suurdu nedälii kestäjiä moudutapahtumua školas piettih enzikerdua .Moudunedälin joga päivy sai oman nimen da sen mugah pidigi sellitä da tulla školah opastajil da opastujil .
Enzimässarren tiemannu oli Rahvas mustissah .Toizen päivän tiemu "Kosplei " jo tarvičči ulgonävön muutandua da andoi vallan kižuamizile .Ehkoi oli sinäpiän kirjalližuon , fi l’moin da piirdofi l’moin piähengilöi školas – opastajat da opastujat mielihyväl vallittih ičele rouliloi da sellittih niilöin mugah .Lapsien keskes oli gusuarua , tigrua , Jaga Babua da muudu , ei ni opastajat jiädy jällele – mielihyväl sellittih tundiettuloin piähengilöin jyttyöh .
– Emmo ni smiettinyh nähtä omii opastajii moizinnu . Se oli ylen hyvä da mielenkiinittäi päivy , sanoi Priäžän školan toizen kluasan opastui Matvei Ruppijev , kudai sinäpiän selgiihes gusuarakse .
Moudunedälin kolmas päivy kyzyi kieldävyö reppulois da sumčois .Äijät školah tuldih papkoinke da portfeliloinke .Nelläs päivy nedälii piädyi Opastajan päiväh , se tarvičči virrallistu stiilii .Sinäpiän Priäžän školas piettih opastujien ičehalličuspäivy da hyviteltih opastajii .
Opastujat ylen äijäl ahkeroittih da heijän hyvittelyt da lahjat tuodih ylen äij än hyviä mieldy opastajile .Sinäpiän joga opastuskluasan ukseh lapset kiinitettih čomat omin käzin luajitut plakuatat , kudamih kirjutettih hyvittelyt da lämmät sanat opastajile .Joga opastai sinäpiän sai lahjakse opastujis valgien futbolkan , kudamah sežo oli eri tabah kirjutettuloi da piirustettuloi hyvittelylöi da lämmii sanoi .Nämmä futbolkat roittih erinomazennu lahjannu .Opastajat hedi pandih net piäle da ruvettih niilöis opastamah .
Sinäpiän – opastujien ičehalličuspäivänny – opastamah lapsii tuligi studentua Petroskoispäi .Oli heij än joukos Petroskoin valdivonyliopiston Filolougien insitituutan opastujuagi , hyö opastettih ven’an , anglien da suomen kielii .Kaikkiedah opastujien ičehalličuspäivänny Priäžän školas 35 urokkua piettih studentat , kaheksa urokkua – vahnembien kluassoin opastujat .
Suuren opastajien nedälin aigah Priäžän školas oli vie pietty Opastajan päiväle omistettu konsertu , školan Idoine-keskukseh oli avattu Priäžän školan matemuatiekan opastajan Alevtina Matikazen piirustettuloin kuvien ozuttelu Mih vedäy geometrien suvaičus -nimel .A Moudunedäli loppih enzikluassalazen ulgonävön päiväh .Sinäpiän erähät opastajatgi sellittih školasobih , ihan kui Nevvostoliiton aigah .
Eriluadustu piduo yhten nedälin aigah
карельский: ливвиковское наречие
Новописьменный ливвиковский