Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Karjalan kieli kiinnostau meigäläzii dai piiteriläzii
Jelena Ruppijeva
Karjalan kieli kiinnostau meigäläzii dai piiteriläzii
карельский: ливвиковское наречие
Новописьменный ливвиковский
Enzimäine
Kogo Ven’an muamankielen da kirjalližuon kilbu piettih mennyt opastusvuon .Silloi vaiku kaheksa kieldy oli ezitetty sit .Tänä opastusvuon kilvan piendäh yhtyi jo 18 yliopistuo da 29 kieldy rubei kuulumah sih .Petroskoin valdivonyliopisto oli enzimästy kerdua mainitun kilvan luadijannu da ohjuajannu .Yliopistos školien 8.-11. kluassoin opastujat , juuri heijän keskes pietäh mainittuu kilbua , suadih tarkastua omii tiedoloi karjalan kielen livvin murdehes da livvinkielizes kirjalližuos .
Pidäy sanuo , ku kogo Ven’an muamankielen da kirjalližuon kilbah kuuluu kaksi ozua : algu - da loppuoza .Alguoza pietäh verkos .Tänävuon Karjalas sih oli ottanuh ozua 52 karjalan kielen maltajua opastujua .Heis 23 puutui kilvan loppuozah – finualah .Se piettih mennyt suovattan Petroskoin valdivonyliopiston tiedokirjaston luguzualas da sih tuli seiččie opastujua Kotkatjärves , Tuukselpäi , Priäžäs da Piiterispäi .Kaikkii enämbi kilbuniekkua oli Kotkatjärvespäi – nelli opastujua , toizis linnois da kylispäi tuli yksin kilbuniekkoin .
Kogo Ven’an muamankielen da kirjalližuon kilbah , sanakse , voijah yhtyö ei vaiku muamankielen opastujat .Ku perehes maltetanneh da paistanneh sil kielel da opastui iče maltanou sen , se voi ottua ozua kilbah .Kilvas paiči kielineroloi , kačotah sidägi , ku opastui tiedäy da maltau oman muamankielen kirjalližuttu .Kilburuadoh kuuluu eriluadustu kieliopin tehtäviä , on kiännösruaduogi , kielen ilmekkähien sanondukeinoloin ečindy kaunehkirjalližuon tekstois .Kui ollah kirjutettu tämän vuvven kilburuavon opastujat da ken heis piäzöy voittajien joukkoh , ilmoitetah kevätkuun puolivälissäh .
– Kilvan voittajien joukkoh puuttunuot suajah eduu Ven’an yliopistoloih pedagougiekan alale piästes . Joga yliopisto iče miäriäy nämmii eduloi .Petroskoin valdivonyliopistos täs kilvas enzimäzele , toizele da kolmandele sij ale piässyöt , ku suadaneh ven’an kielen yhtenäzes valdivontutkindos enämbi 75 ballua , suajah sit 100 ballua .Ku suadaneh vähembän 75 ballua , sit suaduloih balloih ližätäh viizi ballua Yliopistoh opastumah piästes .Se on hyvä edu , sanou baltiekkumerensuomelazien kielien laitoksen opastai , kilvan koordinuattoru Svetlana Korobeinikova .
Kilvan tulokset ollah voimas nelli vuottu .Kaheksanden kluasan opastui , ku ottanou ozua kilbah , sit hänen kirjutetun kilburuavon tulokset ollah voimas yhtendentostu kluasan loppiettuugi .Opastujil on mahto yhtyö kilbah mondu kerduagi .Se samaine kaheksanden kluasan opastui voi ottua ozua tulieloingi vuozien kilboih .Häi jo rubieu tiedämäh , mi kilburuadoloi se on da rodieu aigua varustuakseh sih .
Petroskoin valdivonyliopistos tulien opastusvuon kilbah huavatah ližätä vienankarjalan murdehen da vepsän kielengi .
Karjalan kieli kiinnostau meigäläzii dai piiteriläzii
карельский: ливвиковское наречие
Новописьменный ливвиковский