Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Oman rannan hyväkse ruadajat on palkittu
Jelena Ruppijeva
Oman rannan hyväkse ruadajat on palkittu
карельский: ливвиковское наречие
Новописьменный ливвиковский
Tänävuon
Priäžän piiris sen roindupäivän nimeh piettylöin pidoloin joukkoh kuului eriluadustu tapahtumua .Suurin pruazniekku piettih piirin roindupäivänny , 28. tuhukuudu , Priäžän nuorižokeskuksen tilois .
–Tänäpäi on merkittävy päivy .
Se on kaikkien meijän piirin eläjien pruazniekku , kudamat suvaijah omua randua , kudamat ylbeilläh sen suavutuksii .Tänä piän himoittas kiittiä kaikkii , ken ruadau meijän piirin hyväkse : opastus -, liečetiedo -, kul’tuuru -, talovus -, kunnantalovus - da kaikkien toizien aloin ruadajii .Työ oletto hyvät da ruadajat rahvas , meil ollah hyvät tulokset da vie , mi on kaikis tärgevin , äij y pluanua tuliekse aigua , kudamat pidäy täyttiä , hyvitteli pruazniekas kaikkii Priäžän piirin eläjii da gostii
Priäžän kanzallizen piirin piälikkö Oksana Gavroš .Sinä piän Priäžäs palkittih rahvastu , kudamat ruatah oman kodirannan hyväkse .Enzikse palkittavinnu oldih mennyön 2022 vuvven laureatat .Vuvves 1999 piiris on perindönny andua mennyön vuvven tuloksien mugah Priäžän kanzallizen piirin laureattu -arvonimi .Tänävuon nelli hengie eri Priäžän čupun kylispäi sai tämän arvonimen : Nuožarven kyläkunnan piälikkö L’ubov’ Ponomar’ova kodirannan sotsiali-talovuollizes kehitykses , tavoittehenmugažuos da aktiivizes kanzalaspozitsies , Jessoilan Kielen kirju -etnokul’tuurukeskuksen johtai Arina Ignat’kova suures panokses Priäžän kanzallizen piirin kul’tuurualan kehittämizeh , Vieljärven souhozan žiivattukompleksan brigadiiru Tatjana F’odorova monivuodizes ruavos muatalovuon alal , Matrosan kylän lämmittäi-konehmies Ivan Sadovoi aktiivizes kanzalaspozitsies da yhteiskunnallizis ruadolois .
Priäžän kanzallizen piirin kunnivokirjazet pruazniekkuapiän suadih Matrosan školan lapsienkazvattai Jelena Ignatenkova aktiivizes kanzalaspozitsies da suures panokses kanzallizen kul’tuuran kehitändäh , Matrosan kylän rauduseppy-kohendai Sergei Trofimov korgies ammattineros , aktiivizes kanzalaspozitsies da avus mobilizuittuloin perehile .
Samannu piän palkittih sežo Priäžän piirin opastajien da lapsienkazvattajien ammattikilvan voittajii .Voittajakse lapsienkazvattajien kilvas rodih Čalnan Lesovičok-päivykoin lapsienkazvattai Veronika Mikelenite , kudai enzimästy kerdua on yhtynyh täh kilbah .Vuvven 2023 opastajakse Priäžän piiris rodih Čalnan školan tehnolougien opastai Aleksandr Koval’ov da parahakse kluasanpalvojakse rodih Vieljärven školan algukluassoin opastai Ol’ga Rešetina .Jo tostu vuottu Čalnan da Vieljärven školien opastajat ollah täs kilvas parahinnu .
– Meijän piiri on enzimäzenny tazavallas avannuh Opastajan vuvven , myö enzimäzinny piimmö Opastajien da lapsienkazvattajien ammattikilvat . Toivozin , ku tämä meijän enzimäzien liikeh jatkus iellehgi kaiken tämän vuvven aigua , pani merkile kilbuniekkoi hyvitelles Priäžän piirin metoudizen ozaston johtai Irina Sannikova .Sinä pruazniekkupiän vie sai kuulta äij y lämmiä sanua piiris da sen eläjis , lavale nostih pajattamah , soittamah da tansimah piirin pienet dai aiguzet artistat .
Oman rannan hyväkse ruadajat on palkittu
карельский: ливвиковское наречие
Новописьменный ливвиковский