Тексты
Вернуться к списку | редактировать | удалить | Создать новый | Статистика | ? Помощь
Valentina Libertsova. En laske! Opastajien elaijan silmänlipahtus
Valentina Libertsova
En laske! Opastajien elaijan silmänlipahtus
карельский: ливвиковское наречие
Новописьменный ливвиковский
Opastaijen ammattimurdehes on
moine sana , kudai puaksuh liikuttau tavallizet elostavat – se sana on "vaihtamine ".Se tapahtuu puaksuh , konzu kengi opastais voibuu libo menöy kunnegi käskymatkah .Sit toine sen opastusainehen vedäi menöy hänen sijah .Ruado buitegu ei olis erinomaine dai maksetah sit vähembi omii urokkoi .A opis vai , kui pitkenöy ruadoaigu , ližävyy varustustu da tetrattiloin tarkastandua .A gu vie vierahat lapset oldaneh tundemattomat da vorattavat , ruvetah kielastelemah da tyhjiä kyzelemäh …
Hyvä vie , konzu ehtäl tiijustat , ku huomei pidäy mennä tostu opastajua vaihtamah da suat käzih opastuskniigat , metoudiekat , pluanat da tarkastetut tetratit .Sit ehtit hos ei moizel kiirehel kai net lugie , mustoittua da varustuo .A huondekses sanal-toizel seizatut kluassan johtajanke .Sit erähät "vien ual peittyjät kivet " voit kierdiä siiriči .Ga eibo joga kerdua anna Jumal mostu ozua , a toinah puaksuh iče olemmo viärät kummih puuttujes .
Vaihtamine tuli .
Ennusti , ennusti Anna Andrejevna – pidäy huomei mennä viijendeh V kluassah .Kuului , kui rygii seinän tagan Larisa Vasiljevna , kävyi opastajien pertih , vikse , lämmittämäh keroidu čuajul .Istui kodvan .Ikkunah nägyi , kui tuli mašinal ukkoh , naine hakkai vai pieni sumkaine käis , - tiettäväine , jätti tetratit da opastuskniigat stolale kundoh , iče ajoi vračah .A sie nengozen rygimizenke vältämätä käskietäh istuo nedäline kois .Arbai sen Anna Andrejevna , ga yksisama ajoi pahoi mielii piäs .Ei jo häi olluh lašku , puaksuh tuli abuh ruadodovarišoile , nuorete oli toiči liijakse kirkei .Ga nygöi ičellehgi oli vähäzel čiäry , harvazeh särizytteli selgiä , juovutti , oli himo teriämbäh loppie ruavot da alevuo lämmän paikan uale divanan čuppuzeh .Školas oli viluttavu , sentäh gu aijoi tuldih syysvilut , lämmittiä ei vie zavodittu dai gripanvastavuttamizeh rokottamizet vaste vai ehtittih azuo .
Myöhä illal , jo muata varustujes , nägi telefonas Larisa Vasiljevnan kaksi vastuamata jännytty soitandua .Vastuamah ei ruvennuh ni silkeskie , ni huondeksel - puolisti iččie : anna ristikanzu maguau , voimatoihäi on , toinah jo toizile opastajile soitti da andoi nečen kluasan opastettavakse .
Enzimäzet omat nelli urokkua vahnembis kluasois lennettih , niilöin välis inehmine ehti vähäzen tarkastua erähät tetratit , dostalit tahtoi kaččuo viijendel urokal , a sit jälles kuvvettu urokkua kerätä kai , midä ei ehtinyh , da matkata kodih .
Silkeskie opastuspertih hurahtettihes pienen hälynke ei korgiekkazet muruzet suuret školarepput selläs .
- Meil täs rodieu karjalan kielen urokku . Työgo rubietto pidämäh ?
Vaihtamine tuli ihan riinnale , ga häi vie opii piästä nečis huoles jälgiväil :
- Mindähbo minä ?Minul omat opastujat , teil – oma opastai Larisa Vasiljevna .
- Häi voibui .
- Hyvä . Sit kävyn tiijustamah opastaijen pertih .A työ varustakkua vehkehet da mengiä pertivälih .
Anna Andrejevna löydi silmil yhtesruadajan nuoren oigevustiijon opastajän poijan , kuduadu kai škola tiezi kilvoin da yhteskunnallizien ruadoloin kauti .
- Igor' Stepanov , sinä roittos päivystäi . Seizo vai veriälyö da älä nikedä laske soitandassah .Ellenditgo ?
Soitandassah .
Opastaijen pertispäi jo karahtih vastah opastuspuolen johtai , midä lienne sanoi .Anna Andrejevna ni kuundelemah ei ruvennuh , arbai midä häi tahtoi , šmutkai piäl da hakkai Larisa Vasiljevnan stolahpäi , ryömäi opastuskniigan da tetrattitukun , justozil , voittaijen pahua mieldy hyppäi iäres .
Salvatun veriällyö seizoi brihačču , pidi kätty kiägäs da kovasti sanoi :
- Tänne ei sua !Opastai käski ei laskie nikedä soitandassah !
- Ga mina opastai olen , oppi tartuo kiägän Anna Andrejevna .
Brihačču ripui lujah .
- Tänne ei sua ! Opastai ei käskenyh laskie nikedä soitandassah ! sanoi uvvessah .
- Ga minahäi opastai olen , mina käskin .
Brihačču nosti piän :
- Et !Se oli korgiembi da vahnembi .En laske soitandassah !
- Täs ! – pietyt kyynälet muututtih abieh tabah . Suuttumizenke harpai opastuspertih , räškäi veriän :
- Kačokkua vai , mittuot meil nygöi ollah opastujat jälles algukluassoi julgiet , opastajua ei laskieta kluassah .
- Kenbo moine ? Eigo hos Igor' Stepanov ?
- Häi ! Kačokkua mittuzinnu nygözet nuoret opastajat omii lapsii kazvatetah !
Ruadodovarišat muheloitettih :
- Se on muga zakonoin mugah kazvatettu lapsi .Muamah on juristakse opastunnuh , poigu pienyössäh kunnivoiččou vahnembien sanoi .Älä čihiže !Juo vai čuajuu , alevu da huogavu soitandassah .
Urokal .
Jälles urokale soitandua Anna Andrejevna libui opastuspertih .Lapset oldih jo omis kohtis , nostih opastajale vastah tervehtimäh .
- Terveh , lapset ! Istavukkua !Minä olen Anna Andrejevna .Pien tänäpäi urokan teijän voibunuos opastajas Larisa Vasiljevnas tuači .
Opastai silmäili lapsii – onnuako kai oldih vagavat , opastuo suvaiččijät , tarkasti kirjutettih tetrattiloih päiviä .Igor' Stepanov istui kai korvissah ruskei , silmät partah päi .
- Urokan teemu on "Perehen perindöt ". Sanokkua , kelbo teis kois säilytetäh mittumiigi perindölöi ?
Ylembä kaikkii toizii käin nosti säräittäjen Igor' Stepanov , kirgai , mis vai opastai häiläi piän hänen puoleh :
- Meil on perindö kuunelta vahnembii , muga ainos käskietäh .
Lapset räčkähtettihes nagruo – se Stepanovan perehen perindö oli toven tuttavu kaikele kluassujoukole jo viijes vuozi .Ga hätkie irvistiä aigua ei olluh – himo oli vastata da löyhkiä omua perehty .
- Myö yhtes ajelemmo huogavumah luonnon helmah !
- Meidy vahnembat Uvven vuvven lomal talutah suuris lumimägilöispäi čuruamah .
- A myö Naizien päiväkse varustammo da ozutammo kontsertan buaboloile .
- Myö joga Pyhiäpäiviä kävymmö kirikköh .
- Meijän vahnembat potakoijah lapsii lugemah iänel kniigoi …
Nagrammo yhtes .
Kodih kerävyjes , Anna Andrejevna muhahtih :
- Olgah , ei tämä vaihtamine pahoi mennyh .Pidäy soittua Larisa Vasiljevnale , anna ei huoli .Kai meni hyvin , ku lapset ollah putilleh opastetut da kazvatetut .Da vie nagratan , kui Igor' Stepanov ei laskenuh minuu opastuspertih minun käskyn mugah .Nagrammo yhtes .
En laske! Opastajien elaijan silmänlipahtus
карельский: ливвиковское наречие
Новописьменный ливвиковский
-
-
-
-
-
-
-
Либерцова Валентина
Не пущу! Мгновение жизни учителей
русский
-
-
-
-
-
-
-