Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. On vie hengis kieli tuattoloin
Nadežda Mičurova
On vie hengis kieli tuattoloin
карельский: ливвиковское наречие
Новописьменный ливвиковский
Sulakuun
19. päivänny Anuksen lapsien kirjastos jo kahteskymmenes toine kerdu piettih Karjalan tazavallan karjalan da suomen kielel lugijoin kilbu lapsien da nuorien keskes , kudamal on čoma nimi "On hengis kieli tuattoloin ".Sidä runokilbua pietäh joga vuottu Vladimir Brendojevan nimizen Täs synnyinrannan minun algu -literatuurufestivualin hantuzis .Omas tervehtyspaginas Anuksen kanzallizen piirin kul’tuuran , nuorižopoliitiekan , turizman da sportan ozaston piälikkö Tatjana Gilojeva kiitti opastajii , lapsienkazvattajii da kilbuniekkoin vahnembii , gu hyö harjaitetah nuordu polvie muamankieleh da kannatetah ruaduo kielen hyväkse .Tänävuon kilbuniekkua oli 55 hengie , lapset , ket maltetah lugie runoloi karjalan kielel da erähät vähäzengi paista .Runokilbah oli työtty kaksi videodu Meliorativnoispäi .Lapset da vahnembat kodvazekse čukelduttih suomi-ugrilazeh runomuailmah .Kilvan ozanottajat lugiettih Vladimir Brendojevan , Zinaida Dubininan ,Tatjana Baranovan , L’ubov Tuttujevan , Raisa Kudžijevan , Ol’ga Mišinan , Marija L’ovkinan , Taisto Summazen da Terttu Vikströman runoloi .Lugijoi arvostettih kolmes igäjoukos .Enzimäzes oldih lapset seiččemeh vuodessah , toizes – kaheksas-yhtehtostu vuodessah .Kolmandeh igäjoukkoh puututtih lapset kahtestostu-seiččemehtostu vuodessah .Kilbuniekkoi arvostajes kačottih kielen malton , luvenduneron da sen , oligo runo kebjei vai jygei .A arvostamas nuorii lugijoi oldih Anuksen karjalazet – yhtistyksen piälikkö Vladimir Lukin , Anuksen kanzallizen kirjaston kodialovehen literatuuruozaston johtai Galina Fedulova , karjalan kielel kirjuttai Valentina Kondratjeva , muamankielen akkiloiččii Svetlana Čuprova , sego suomen da karjalan kielen tiedäi L’udmila Blinkova .Kuni arvostelukundu valličči parahii lugijoi , karjalan kielen akkiloiččii Vera Larionova kižai lapsienke karjalazih kižoih da opasti heile erähii sanoi karjalakse .On hengis kieli tuattoloin -kilvan tuloksien mugah enzimäzes igäjoukos voittajakse rodih Videlen keskiškolan opastui Dmitrii Berezin , toizele sijale piäzi sen samazen školan opastui Marija Stepanova , kolmandele – Dmitrii Gridin Gnomik-päivykoispäi .Toizes igäjoukos parahakse rodih Nika Sorokina Valentin Sorvinan nimizen Anuksen školaspäi n :o 2.Toizen sijan sai Jelizaveta Sokolova , kudai opastuu Anuksen školas n :o 1, kolmandekse rodih Videlen školan opastui Zinaida Kolesnikova .Vahnembien lapsien joukos enzimäzenny oli Art’om Špakovič Anuksen školaspäi n :o 1, toizele sijale piäzi Kotkatjärven školan opastui Jekaterina Gagarina da kolmandekse rodih Tuuksen školan opastui Karina Romanova .Toizii runoloin lugijoi palkittih kolmen nominacien mugah : "Innostukses ", "Livvin kielen čomuos " da "Olisbo vai , Kodirandu , selgei sinun taivas ".Kaikis nuorin runokilvan ozanottai -nominatsies diploman sai kolmevuodehine brihaččuine Ivan Veledejev Anuksen Gnomik-päivykoispäi .Eriže oli palkittu On hengis kieli tuattoloin -kilvan voittai , Anuksen školan n :o 1 opastui Art’om Špakovič da hänen opastai Sergei Barigin , kuduat suadih Kiži-muzein sertifikuatan .Nygöi hyö kahtei voijah kävvä suarele da ihailla sen taloloin da rakenduksien čomuttu .Runoloin lugijoin ližäkse tal kerdua palkittih "Täs synnyinrannan minun algu " Anuksen piirin lapsien piirustuskilvan voittajii .Kaikkiedah arvostettavakse oli työtty 147 piirustustu .Arvostajil oli ylen jygei vallita parahat , sendäh gu hyö tiettih vai ozanottajan ijän , dostalii tiedoloi ei olluh .Yhtelläh parahat oldih vallittu .Kaikin hyö suadih lahjat da diplomat .Kiitändykirjazil karjalan kielen da kul’tuuran säilyttämizes , kehittämizes da nostamizes oldih palkittu Meliorativnoin školan opastai Natalja Jefimova , Anuksen školan n :o 1 opastai Sergei Barigin da Kotkatjärven školan opastai Ol’ga Nikitina .Kilbu meni da toi äijän hyviä mieldy kui lapsile , mugai vahnembile .Runokilvan järjestäjät toivotah , gu perindö pidiä moizii kilboi jatkuu iellehpäigi da meijän tuattoloin kieli ei sammu igänäh .
On vie hengis kieli tuattoloin
карельский: ливвиковское наречие
Новописьменный ливвиковский