Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Svuad’bu Anukses karjalazien perindölöin mugah
Nadežda Mičurova
Svuad’bu Anukses karjalazien perindölöin mugah
карельский: ливвиковское наречие
Новописьменный ливвиковский
Etnougrafan päivänny
, 17. heinykuudu , Anukses Moskovaspäi tulluot molodoit Mihail Nazarov da Jelizaveta Gusarova piettih karjalaine svuad’bu ennevahnallizien tavoin mugah .Karjalazet sanotah : "Naija da miehele mennä , gu uvvessah roij akseh ".Svuad’bal da svuad’bupidoloil karjalazil oli suuri merkičys .Kui rubieu elämäh pereh , kazvattamah lapsii , roihesgo se ozakas – kai se oli sivoksis svuad’butavoinke .Sih karjalazet äij äl uskottih .Etnougrafan päivänny , 17. heinykuudu , Anuksen kirjaston kanzallizen da kodialovehliteratuuran ozaston ruadajat , sego Anuksen livvinkarjalazien muzein ruadajat da teatran ozuttelij at piettih karjalaine svuad’bu ennevahnallizien tavoin mugah .Molodoit Mihail Nazarov da Jelizaveta Gusarova tuldih Anukseh pidämäh svuad’bua Moskovaspäi .Mihail on moskovalaine , a hänen andilas – Anuksen karjalaine , sendähgi svuad’bu luajittih karjalazeh moudah .Anuksen kanzallizen muzein tilois da sen pihal vahnembat blahoslovittih molodoloi .Huondeksel muamo nostatti tytärdy itkuvirrel .Se oli jälgimäine kerdu , konzu armas tytär magai tuatan kois .Itkettäjänny oli muzein teatran ozuttelii L’udmila Mit rukova .Itkuvirren aigua rahvas itkiettih , muga koski heij än syväindy igävy pajo .Sulhaine oppi arvata , mittuzen paikan ual on hänen armahaine da sit andilahale polvil turkil seizojes pidi kyzyö prošken’n’ua da blahosloven’n’ua omil vahnembil .Oligi svuad’bas tiedoiniekku , kudai pani varat ennevahnallizeh tabah .Tiedoiniekan roulis oli Anuksen muzein teatran artistu Vladimir Prošeluikin .Vladimiral avvutti hänen mučoi Marina Prošeluikina , kudai oli rist’oinnu svuad’bas .Venčavuksen jälles , kudai oli Sändämän manasteris , molodoit lähtiettih Suureh Selgih , muzein kodih .Siegi karjalaine svuad’bu jatkui ennevahnallizien tavoin mugah .Gost’at tiij ustettih , kui karjalazet mendih yhteh da midä ruattih svuad’ban aigah .Sen ližäkse svuad’burahvahal puutui oppie magieloi šipainiekkoi da juvva duuhukastu čuajuu .Muzein ruadajat piettih ekskursien Suuren Sellin kyliä myöte da lopukse kižattih karjalazih kižoih .Oma Mua -lehti hyvittelöy molodoloi nuoren perehen pruazniekanke da toivottau heile suvaičustu , tervehytty da ozua !
Svuad’bu Anukses karjalazien perindölöin mugah
карельский: ливвиковское наречие
Новописьменный ливвиковский