Тексты
Вернуться к списку | редактировать | удалить | Создать новый | Статистика | ? Помощь
Bogdanova Natalja. On kirjutettu histourieh nimi
Bogdanova Natalja
On kirjutettu histourieh nimi
карельский: ливвиковское наречие
Новописьменный ливвиковский
Ammui
Kola-tiedy myöte ajajes , Priäžän čupun Lidžmijärven rinnal , minä näin suuren kiven dorogan oigiel reunal , kuduas oli Jartsev-kirjutes .Oligo kummua , konzu vuvvennu 2018 Oma Pajo -horah pajattamah tulduu tuttavuin Jartsevien jälgiläzen kel !Sil aijal Volod’a (Valto ) Jartsev sežo pajatti horas , kižai karjalazien kriukkah , enne sidä oli Čičiliušku-teatran da Kajahuš-folklourujoukon ozanottajannu da ylen äijäl suvaičči omua muadu .En tiijä , suvaiččigo kentahto Karjalua vie enämbäl migu toven karjalaine Valto ?Häi tiezi Karjalah nähte kaikkie , joga koivustu da troppastu , kuduadu minä tiijän ...Ylen äijäl mieleh oli tarattua hänenke !Kerran myö Valtonke paistes yhteh iäneh kirruimmo , ku Šuja-jogi on Taras-jogi tottu toven , myö Valton kel olimmo yhty mieldy , ku jovenladvu ottau allun enne Suojärvie !Meil oldih yhtenluaduzet mielet .Ellendimmö toine tostu hyvin .
"Minä kalastan Lidžmijärves talvel , kalat ollah vädžišköt järves ! Sinähäi kirjutit oman sugunimen kiveh sen lähevil "? kyzyin minä Valtuo myöhembi .
"Ei , minun sugulazet , toinah "! nagroi ystävy . – Enne minun died’oi kävyi kalah Lidžmih , ainos sai kalua – died’oi oli karjalaine , häi tiezi "pättäviä sanua ".
Valton sugu oli Pyhärves yhtes puoles , toizes – Suojärven piirin Hautavuaras , häi iče oli rodivunnuh Matrosun pos’olkah .Valto tiezi oman perehen histouriedu ylen hyvin , ylbeili omua roduu .
Nevvostoliiton aigah armies olles Vladimir Jartsev torai Tadžikistuanas , sie händy ruanittih , mies sai voinupalkindon .Ga voinu ei rikonnuh händy , Valto oli rauhankannattajannu miehenny !
Kielevänny oli , ga meil oli vähättävy aigua , ku paista kylläl .Enne repetitsiedu pagizimmo , pagin čurčetti azettumattah nenga , kai myöhästyimmö toiči pajattamah aijoilleh ...Nygöi myöhästyimmö jälgimäi , ei ole Valtuo hengis , en ehtinyh kyzellä händy äijäs mis .
Menetti piän sobužu ristikanzu liijan aijoi , häi tahtoi voinan jälles kiändyö horah ."Horan ruuttii en tuo järilleh , rubien pajattamah ielleh , šuorien ruuttih iče . Vuottakkua minuu ", kirjutti Valto Marina-horaniekale vähästy enne omua surmua .
Valto Jartsev pandih muah 2. oraskuudu kodoilah , Matrosun kyläh .Jäi hyvä musto Valtoh nähte – hänen pajot , runot , dielot , karjalan kul’tuuran da kielen säilyttäjän nimi jäi histourieh .Dai hänen sugunimi suurel kivel Lidžmijärvellyö .Sanakse , Lidžmi andoi lubua minule ongittua omas vies – ei ruvennuh vädžizemäh , ottau kala sen paginan Valton kel jälles .
Valgiet jouččenet vastah , ystävy , passiboičemmo sinuu kaikes .
On kirjutettu histourieh nimi
карельский: ливвиковское наречие
Новописьменный ливвиковский