Тексты
Вернуться к списку | редактировать | удалить | Создать новый | Статистика | ? Помощь
Irina Zaitseva. Venäjän tulovaisuš
Irina Zaitseva
Venäjän tulovaisuš
карельский: собственно карельское наречие
Новописьменный севернокарельский
Konferenšših
ošallistu Petroskoin koulujen opaštujie , ylioppilahie ta eksperttijä .Tilaisuon huomijon pistehenä oli ekstremismin vaštuanta .
– Radikalismin , ekstremismin ta terrorismin vaštuanta on tosi aktualini aihe Karjalašša . Elämmä raja-alovehella ta tunnemma painehta .Tekoälyn kehityš antau lähettyä viärie tietoja koko Venäjällä ta Karjalašša .Onnekši , meijän kollegat šujuvašti haitetah šitä .Meijän konferenššin piätehtävänä on kriittisen ajattelutavan kehittämini .Pitäy opaštuo analisoimah tietoja , korošti Karjalan tašavallan kanšallisen ta alovehellisen politiikan ministerijön spesialisti Jurii Širin .
Kahen päivän aikana Petroskoin yläluokkalaiset ylioppilahien joholla kuunneltih luventoja ta ošallissuttih käytännölliseh työh muutomissa ryhmissä .Enšin nuoret čukelluttih ekstremismin juridisih aspektiloih ta tutkittih nykyriskijä .Šiitä jokahisella joukolla annettih oma tehtävä , ta nuoret innolla väiteltih ta ečittih mahollisie raitkaisuja .
Konferenššin lopukši joka joukko valmisti ta esitteli oman metodiikan , mitein haittua radikalismie , ekstremismie ta terrorismie .Nuorilla še oli tosi hyövyllistä , vet aika muuttuu ta tulou uušie kuot’t’elukšie .
Konferenššin järještäjinä oltih Petroskoin valtijonyliopiston talouš - ta oikeušinstituutti ta Karjalan kanšojen yštävyštalo Tašavallan kanšallisen ta alovehellisen politiikan ministerijön kannatukšella .
Venäjän tulovaisuš
карельский: собственно карельское наречие
Новописьменный севернокарельский