Тексты
Вернуться к списку | редактировать | удалить | Создать новый | Статистика | ? Помощь
Maikki Remšujeva. Kuččuu milma Kotimua
Maikki Remšujeva
Kuččuu milma Kotimua
карельский: собственно карельское наречие
Новописьменный севернокарельский
Illan
oččikkona oli Sergei Toivovičin runokokomukšen nimi "Kuččuu milma Kotimua ".Tapahtuman järještäjänä toimi Kiestinkin kyläkirjašto yhteistyöššä kulttuuritalon kera .
Muistoillan ohjelma oli monipuolini ta košettava .Vierahilla esiteltih näyttely aikakaušjulkaisuista , missä Sergei Jakovlev paino enšimmäisie runojah .Ainehiston keräsi L’udmila Bogdanova .
Šen lisäkši kirjašton johtaja Marina P’avina esitti Kuččuu milma Kotimua -runokokomukšen , mi on yksi harvoista karjalankielisistä kirjoista .
Illan aikana keräytynyöt kuunneltih runoja karjalan kielellä , kumpasie luvettih paikalliset eläjät .Erityisen košettava hetki oli runoilijan lešen Antonina Jakovlevan kertomuš miehen elämäštä ta luovašta työštä .Naini jako yleisön kera henkilökohtasie muistoja ta tarinoja , mit näytettih runoilijan personan lämpimällä ta inhimillisellä tavalla .
Musiikkišävyn iltah toi Ei šilma varoin kevät tule -laulu karjalan kielellä .Tevoš esitettih Raisa Kundozerova , Nina Grigorjeva ta Jelena Ligotskaja .Sergei Jakovlev kiänti venäläisen laulun karjalakši Zinaida Ust’ugovan pyynnöštä .Laulu šai keräytynyiltä lämpimän vaštahoton , ta kaikin šanottih erityiset passipot Sohjanankošen naisilla kaunehešta esitykšeštä .
Tapahtuman lopušša vierahat juotih samovuaračäijyö , maisseltih perintehellisie karjalaisie sriäpnöjä ta paistih .Ilmapiiri oli lämmin , kojikaš ta yhteisöllini .
Järještäjät šanottih kiitokšet tapahtuman kaikilla ošanottajilla ta auttajilla .Erityispassipot ošoitettih Antonina Jakovlevalla košettavašta muistopakinašta , L’udmila Bogdanovalla illan karjalankieliseštä juonnošta šekä Marija Nogelaisella avušta tapahtuman järještämiseššä .
Kiitokšet šuatih niise karjalan kielen kerhon jäšenet Zinaida Timohova , Anna Prokopjeva ta Galina Kundozerova runojen esittämiseštä šekä emännät makeista sriäpnöistä .
Ošallistujat koroššettih tilaisuon merkityštä ta tunnelmua .
– Šuuri kiitoš kaikilla ! Tilaisuošta tuli erittäin lämmin ta šyväimellini , totesi runoilijan leški Antonina Jakovleva .
– Passipo mukavašta tapahtumašta – oli kojikašta , lämmintä ta opaššettavaista . Vaikka šuatan karjalua ihan vähän , ka oli ilo kuunnella kieltä , kerto muistoillan ošallistuja Tatjana D’adelо .
– Hyvä tilaisuš . Valosa ta lämmin muisto Sergeilla , jako omua ajatušta Irina Galdina .
Muistoilta näytti , jotta Sergei Jakovlevin runouš eläy ielläh – ihmisien šyväimissä , karjalan kieleššä ta muissošša .
Kuččuu milma Kotimua
карельский: собственно карельское наречие
Новописьменный севернокарельский