Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Uvven kniigan prezentacii Anuksen kupčan laukas
Nadežda Mičurova
Uvven kniigan prezentacii Anuksen kupčan laukas
карельский: ливвиковское наречие
Новописьменный ливвиковский
Pakkasukkoloin talvifestivualin aigua
Anuksenlinnan kanzallizen muzein kupčan laukas lapsien kirjuttai Anna Tilles saneli omua uuttu kniigua nimel "Heikki trol’l’an lahju ".Täyzi-igäzil dai lapsil oli mieldy myö tiijustua , midä on kirjutettu täs kniigas da sen piähengilöis .Kuvat kniigah on azunuh Marina Gorškova .Anuksen Pakkaine oli enzimäzii , ken sai lahjakse tämän kniigan kirjuttajan käzis da vie hänen merkinke .Heikki trol’l’an lahju -kniigan prezentacies oldih toizetgi festivualih tulluot gost’at – suarnuhenget .Kaikin hyö oldih kallehinnu gostinnu Anuksen Pakkasukkoloin kižois .Tiijättögo työ , kuspäi tuldih Rastavan gnoumat da kui kučutah Joulupukin akkua ?Kenbo on moine Vieristän akku da mikse ennevahnas talvel päiväzenseizonduyöl pandih piäh tyhjät maidopuat ?Kaikis nämmis tarinois sego suomelazien da karjalazien Uvven Vuvven da Rastavan perindölöis Anna kirjutti omas uvves kniigas .Tämä talvisuarnu on Ihuola -muatuškan nevvot -kniigan jatko .Se sanelou Joulupukin , Pakkazen da Talviukon kummallizes käyndäs loittozeh Pohjolan muah , kus vuvven pitkevimän yön aigua jiäjyväzes puhkieu kukkah čoma kummalline kukku .Sen jyväzen toi lahjakse Pohjolah Heikki-trol’l’u .Anna Tilleksen uvven kniigan prezentaciel lugijat suadih kävvä Joulupukin kodih , arbailta vahnoi karjalazii arbaituksii , vastavuo Lovhi-hiirenke da tiijustua Kehne – meččykarun pahuontuojas kadaišuapkas .
Uvven kniigan prezentacii Anuksen kupčan laukas
карельский: ливвиковское наречие
Новописьменный ливвиковский