Тексты
Вернуться к списку | редактировать | удалить | Создать новый | Статистика | ? Помощь
Ol'ga Žukova. Sarn piragvärtinas
Ol'ga Žukova
Sarn piragvärtinas
вепсский
Младописьменный вепсский
Ühtes
keitimpoles eliba erazvuiččed astjad .Kut i kaikiš toižiš pertiš .I erašti , konz emägad ei olend kodiš , nene astjad pagižiba ičeze keskes .
Necil päiväl luzik heraštui hubiš meliš ,hän kacuhti ümbri i homaiči sömlaudal piragvärtimen , kudambad aigemba ei nägend .
– Kackat , mitte kaluine ! Muite kaluine , nimidä siš ei ole .Naku minai om pä , mitte voib amunta keitost i sötta mehid .
– Muga , – ühtni paginaha hangoine , – minei oma šorpaižed , kudambad abutaba otta sömäd i leta sidä suhu .Da i muite-ki ned oma lujas čomad .
– A veičel om varzʼ i tera , – ližazi luzik .
– Ka , minä olen ani tarbhaine keitimpoles .Minuta emäg ei voi nimidä čapta , leikata .
– Ka , a petklol om sanged pä . Se peksab midä tariž – marjoid , keittud kartohkoid , – sanui vastha luzik .
– Völ olen minä , – šuhaiži härkim , – mindai ottas kädehe , konz sadas kodivoid vai segoitadas tahtast .
– Ka , ka , muite kaluine ! Min täht sen toiba tänna ?Hän nimidä ei mahta , – kului astjoiden pagin .
A piragvärtin venui vaiknašti sömlaudal .Sidʼ tuli emäg .Hän segoiti sagedad tahtast .A jälʼges oti kädehe piragvärtinan .Ak tahtoi paštta pirgoid i zavodi ajada skancoid .Kut hotkas kargaiži piragvärtin hänen käziš .Kaik astjad čududelihe i tarkašti kacuiba .
– Minä en voinuiži muga hotkas punoutas , – šuhahti luzik .
– Hän ei ole tarbhatoi . Necidä radod niken meišpäi ei tegiži , – kului veičen änʼ .
– Elägaha meiden keitimpoles !
Emäg ajoi kaik skancad , pezi piragvärtinan i heiti sen škapha .
Muga om-ki elos : ala kacu vaiše irdnägoho , kacuhta süvemba !
Sarn piragvärtinas
вепсский
Младописьменный вепсский