Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Karjalan kieli nägyvembäh
Jelena Ruppijeva
Karjalan kieli nägyvembäh
карельский: ливвиковское наречие
Новописьменный ливвиковский
Priäžäs
liženöy kohtua , kus suau nähtä karjalan kieldy kirjutetunnu .
Jälgiaigua Karjalas on ruvettu puaksuh da äijäl azettelemah nimilaudoi karjalan kielel .Sit ruavos ei jiäjä bokkah ni priäžäläzet .
Tänäpäi jo äijis Priäžän kohtis suau lugie laitoksien nimilöi karjalan kielel .Suurembat da nägyvembät ollah Priäžän kanzallizen piirin hallindon taloil da Priäžän etnokul’tuurukeskuksel .Nämmis laitoksis ruadopertilöin uksiloilegi on pandu karjalankielizet nimilavvat .Pidäy juohattua segi , ku Priäžän škola enzimäzenny on kiändynyh Karjalan tazavallan sanastokomissien puoleh kiändämäh karjalan kielele školan tyveh suaduu Točka rosta opastuskeskustu .Sille on löytty pättävy nimi "Idoine ".Tänäpäi Idoinekeskuksii on äijis školis , ga priäžäläzet oldih enzimäzet , ket azetettih sih nimilaudu karjalan kielel .
Vie yksi hyvä dielo puutui sellittiä tämän vuvven allus , konzu Priäžän uvvel avtostansiel vie sen nostandan aigah sai muuttua azetettu nimilaudu , kudamas Priäžän kylän nimi oli kirjutettu suomen kielel .Ei huolestunnuzil priäžäläzil olluh nimidä vastah suomen kieldy , himoitti vai lugie oman kylän nimie omal karjalan kielel da ozuttua omamualazile , kyläh tulluzile da kyläs siiriči ajajile , ku kylä on karjalaine .
OMAMUALAZIS KARJALAN KIELEL
Mulloi Karjalan tazavallan päiväkse Priäžän keskuččah azetettih kaksikieline kuvagallerei , kudamale oli pandu Omamualazien nimet Karjalan histouries nimi .Nämmä ollah pitkät tiijoituslavvat , kudamih on kirjutettu tieduo Priäžän piiris da sen kuulužis ristikanzois .Heidy on seiččie – ihan sen verdu kui on Priäžän piiris kyläkundua .Joga kyläkunnaspäi on vallittu kuvagallereih ezitettäväkse yksin kuulužin ristikanzoin .
Priäžän kylä ylbeilöy Nevvostoliiton urhomiesty , tiijustelijua Marija Melentjevua , Vieljärvi – Karjalan avtonoumizen nevvostotazavallan Rahvahan talohuon arvostettuu ruadajua , Socialistizen ruavon urhomiesty Anna Zasekovua , Nuožarvi – karjalastu runoilijas da kirjuttajua Pavel Lukinua , Jessoilu – Karjalan rahvahan kirjuttajua Aleksandr Volkovua , Pyhärvi – kodirannantiedäjiä da etnogruaffua Nikolai Leskovua , Čalnu – Karjalan tazavallan arvostettuu opastajua , Ven’an Federatsien kul’tuurualan arvostettuu ruadajua Vasilii Simakinua , Matrosankylä – Socialistizen ruavon urhomiesty P’otr Gavrilovua .Heijän elokses da suures oman rannan da oman muan hyväkse ruatus ruavos suau lugie ven’an da karjalan kielel .
Tämä kuvagallerei sai luadie Priäžän etnokul’tuurukeskuksen Priäžän lagevus projektan aigua .Projektah oli suadu kannatustu Karjalan tazavallan kanzallizen da alovehellizen poliitiekan ministerstvaspäi .Pidäy sanuo , ku täl aigua Priäžän etnokul’tuurukeskus on loppemas ruadoloi vie yhten tämän ministerstvan kannatetun projektan hantuzis .Sen aigah Priäžän keskuččah , Priäžän kanzallizen piirin hallindon taloin vastalpäi luajitah Etnopuustuo .
Karjalan kieli nägyvembäh
карельский: ливвиковское наречие
Новописьменный ливвиковский