Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Igäine musto vangittuloile
Jelena Ruppijeva
Igäine musto vangittuloile
карельский: ливвиковское наречие
Новописьменный ливвиковский
Joga
vuottu syvyskuun 5. päivänny Priäžän čupun rahvas kerävytäh Priäžän kylän velleskalmalluo , Korgevus 168,5 -mustomerkillyö da Kunnivon kalmumättähäle Villamäen kyläs mustelemah 313. ammundudiviizien saldattoi .Suuren Ižänmuallizen voinan allus Priäžän kyläs ymbäri mendih suuret bojut , sildy gu kylä oli tärgielöin voinudorogoin ristavukses .Syvyskuun 5. päivänny vuvvennu 1941 Petroskoih tuli Urualaspäi 313. ammundudiviizien 1068. ammundujoukko da jo tossupiän se yhtyi bojuh Ruskies Priäžäs 168,5 -korgevuol .Kolme nedälii saldatat pieteltih vihollistu , annettih mahton Petroskoile evakuiiruijakseh .Vuvvennu 2010 Priäžän kanzallizen piirin nevvoston käskys syvyskuun 5. päivy rodih Urualaspäi tulluon Karjalan muan puolistannuon 313. ammundudiviizien mustopäivänny .Juuri sinäpiän tänävuon oli piätetty avata mustomerki Kindahan kyläs endizen kontsluagerin kohtal .
UUZI MUSTOMERKI
Vuozien 1941-1944 aigah Priäžän piiris oli mondu konsluagerii , eräs oli Kindahan kyläs .Nämmih päivissäh on säilynyh sit olluon tyrmän taloin erähii ozii .Niilöi suau nähtä uvves mustomerkisgi , kudai eruou voinuvuozile omistettulois mustomerkilöis .Sit on suuri päčin truba , kudamah on azetettu mustolaudu , seinien palat , piikkilangal kriepitty kukkupada .
– Nämmä seinien palat , kivet , kudamii työ näettö mustomerkillyö , ei olla rakendamizes jiännyöt murrot , net ollah niilöin voinutapahtumien vaikkaniolijat tovestajat , sen piätyrmän taloin jiännökset , kudamat suadih kuulta muokattuloin rahvahien voivotuksii , sellitti mustomerkin ulgonägyö Priäžän etnokul’tuurukeskuksen johtai , Se oli : suomelazien okkupatsien histouries Priäžän piiris vuozinnu 1941-1944 -projektan todevuttai Tatjana Seppänen .
KINDAHAN KYLÄ VOINAN AIGUA
Histourien tiedodouhturi Sergei Veriginan mugah Kindahan kontsluageris oli enämbi 300 hengie , sit oli naizien da miehien puoli .Dokumentat tovestetah , ku eländyolot luageris oldih ylen pahat : syötettih pahoi , ylen jygiet , ei vägii myöte olluot ruavot , meččyruavot , suuri kuolendulugumiäry , kiuzuandat da muokkuandat .
– Konzu elokuul vuvvennu 1941 Kindahan kylän eläjät lähtiettih evakkoh , voidihgo hyö smiettie , midä rodieu kyläs , kudai okkupatsien kolmes vuvves muutettih vangittuloin kyläkse ? Kindahan kylä oli kai ymbäröitty piikkilangal , kyläs oli nelli vardoičusvuiškua pulem’outoinke da eländy sit oli tirpamatoi .Vangittuloi ruatutettih jygielöis meččyruadolois .Ken ei voinnuh ruadua , ei suannuh ni vähäzii syömizii .Ammuttih pienes rikoksesgi : sit ku voimatunnuh väittömänny kuadui heinikköh da uinoi ; sit , ku nälgähine kiškoi ogrodas lantun ; tirpamattomis ololois pagenendas , saneli Kindahan kontsluagerin histouriedu Priäžän školan opastai Irina Veleslavova .
Voinuvuozis Kindahan kyläs da Kindahan kylän kontsluagerin vangittuloin mustoloi suau lugie kahtes mustomerkillyö azetetus tiijoituslaudazes , kui suau kumarduogi voinan aijan kestänyzien mustole , oma kohtu sih niškoi Kindahan kyläs on roinnuh .
Igäine musto vangittuloile
карельский: ливвиковское наречие
Новописьменный ливвиковский