Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Eččoruaduo jatketah ielleh
Jelena Ruppijeva
Eččoruaduo jatketah ielleh
карельский: ливвиковское наречие
Новописьменный ливвиковский
Eččojoukkoloin vuvven
2022 ruado tulou loppuh .Monis kohtis Karjalas on jo havvattu tämän vuvven aigua löyttylöi Suuren Ižänmuallizen voinan aigua kuadunuzien saldattoin jiännöksii .Pyhärven kyläs se tapahtui suovattan , 24. syvyskuudu .Priäžän piirin 18 puolistajua havvattih sinäpiän Pyhärven Kunnivomättähäle .Viijen saldatan nimet ollah jo tietois , toizien saldattoin nimilöi vie sellitetäh da sellitettyy ruvetah eččimäh sugulazii .Kunnivomätäs on luajittu Pyhärven kyläh vuvvennu 1999 Kuadunuzien lendokonehien jälgilöi myö -eččojoukon avul .Tämä eččojoukko on pannuhgi kundoh Kunnivomättähän suovatan piduo vaste .Eččojoukkoh kuulujat puhtastettih tuhjolois kazvoitunnuot kohtat , niitettih kai ymbäri da kabrastettih saldattoin kalmat .
Suovatan pidoh Pyhärven Kunnivomättähäle on tulluh äijy rahvastu , heijän joukos oli äijy nuordu da lastu .Priäžän školan opastujat , kudamat ollah todevuttamas vuvvennu 2022 Ven’an piämiehen abudengoin fondan kannatettuu Mariikan urhotevon jälgilöi myöte -projektua , sežo yhtyttih pidoh .Pyhärveh nuoret käydih vie sendäh , ku Nevvostoliiton urhomies Marija Melentjeva erähii vuozii opastui Pyhärven školas , sildy ku Priäžän školas moizii kluassoi ei olluh .
Eččoruadoloi Priäžän piiris piettih Karjalan eččojoukkoloin liiton Karjalan frontudorogat -projektan hantuzis , kudamah kannatustu oli suadu Ven’anpiä miehen abudengoin fondaspäi .
– Suuret passibot teile ruavos da uskos , kudaman työ annatto voinal kuadunuzien perehile , kiitti eččojoukkoloin ruadajii Priäžän kanzallizen piirin hallindon piälikkö Oksana Gavroš . Omua ruaduo eččojoukkoloih kuulujat uskaldetah jatkua iellehgi .
Eččoruaduo jatketah ielleh
карельский: ливвиковское наречие
Новописьменный ливвиковский