Тексты
Вернуться к списку | редактировать | удалить | Создать новый | Статистика | ? Помощь
Bogdanova Natalja. Pieni Karjal kerävyi aivokižah Petroskoih
Bogdanova Natalja
Pieni Karjal kerävyi aivokižah Petroskoih
карельский: ливвиковское наречие
Новописьменный ливвиковский
Projektan
lopus rodih mieldykiinnittäi pido , kuduas pidi aivoloi lekuttua .Kižah oli kučuttu tazavallan seiččie školua , net perustettih omat kižajoukot , lapset iče omien opastajien kel keksittih joukkoloin nimet .
On ylen hyvä , ku erähil nämil joukkolois oldih karjalankielizet nimet !Ihan tottu , tämä kiža oli suuri pruazniekku lapsile , kilbuniekat kaunistuttih kižah : Kareločki-joukon tyttözet pandih piäh ruskiet lentat , pienet sordavalalazet sivottih kaglupaikat .
Kilbailtes nuorižo puutui kiihan valdah , sendäh ku karjalazien perindölöin parahat tiedäjät -arvonimen suandu on tärgei dielo .
Lapset ozutettih iččie parembas puoles , opittih ajatella , ezittiä vuottamattomii versieloi kyzymyksih vastates , ozuttua neruo toine tostu kuunneltes da keskenäh sobijes .
Karjalan tazavallan kanzoin Ystävystaloin zualas , kus piettih kiža , oli vessel häly , nagro , kirrahtukset : "Tottu on !", "Minä ellendin !".
Täs kižas ei olluh ni yhty menetysty joukkolois , kaikin suadih diplomat , magiet lahjat da sertifikuatat eri muzeih käyndäkse .
Enzimäzen palkindon on suannuh Petroskoin školan n :u 55 Vesselät lapset -joukko , toizen – Salmin Kodima-joukko , kolmanden – Anuksenlinnan školan n :u 1 Anuksen karjalazet -joukko .Nelli kilbuniekkua – Sordavalan školan n :u 1 Serdobol’-joukko , Čalna-pos’olkan školan Čalnareki-joukko , Petroskoin školien n :u 55 da n :u 48 Kareločki-joukko da Järven lapset -joukko suadih palkindot eri nominatsielois .
Joukot kižattih kiistah , pivon jälles niken ei tahtonuh erota .Toinah , kilbuniekat ei vastavuta vie moizes artelis , ga tiettäväine , ku "pieni Karjal " ottau piäh tämän päivän da projektan ijäkse da panou mustoh projektan aigua suavut tiijot .
Projektua "Oniegas Luadogah suate " pietäh Ven’an prezidentan grantufondan kannatuksel .
Pieni Karjal kerävyi aivokižah Petroskoih
карельский: ливвиковское наречие
Новописьменный ливвиковский