Тексты
Вернуться к списку | редактировать | удалить | Создать новый | Статистика | ? Помощь
Irina Zaitseva. Musejojen yön kirkaš ohjelma
Irina Zaitseva
Musejojen yön kirkaš ohjelma
карельский: собственно карельское наречие
Новописьменный севернокарельский
Aktijon aihiena oli
oma perintö , mi on šivottu Venäjän kanšojen yhtenäisyön vuoteh .Petroskoin musejot kerrottih kävijillä tašavallan kulttuurista ta lahjotettih karjalaista koloriittie .
Musejot otettih vaštah kaupunkin eläjie ta vierahie , jotta kertuo heilä alovehen kulttuurista , perintehellisistä taitolajiloista ta istorijašta .Tänä vuotena Musejojen yön aikana valtasi karjalaini koloriitti .
Luaja ohjelma tarittih Karjalan kanšallini musejo , Taitomusejo ta Kižin musejo .
Kanšallisešša musejošša Musejojen yön kävijillä oli mahollisuš ottua ošua karjalan kielen eri murtehien muasteri-oppiloih šekä opaš-retkilöih Petroskoin katuja myöten .Šen lisäkši musejon kirkkahana ošana oli elävä musiikki , kumpani yhisti akatemista klassikkua , kanšanperinnehtä ta Karjalan harvinaisie alkuperäisie šävelie .
– Näyttelyšalit tultih konserttitiloiksi , a vierahat vietettih ilta taijon , istorijan ta elävän musiikin ilmapiirissä . Kello 16:30 esiinty Petroskoin valtijokonservatorijan Istoki-folkloriyhtyveh .Svetlana Nikolajevan johtama kollektiivi esitteli karjalaista ta šuomelais-ugrilaista folklorie .Esityš näytti , kuin šäilytetäh perintehie .Kello 19:00 starttasi Karjalan valtijonfilarmonijan Onnen mutkitoin resepti -konserttiohjelma .Näyttämöllä esiinnyttih tašavallan tunnetut musikantit Leonid Janišen , Valerii Dz’ubuk , Ruslan Borisov , Ivan Maksimov , Danijil Bol’šakov ta Irina Kostina .Hyö esitettih tunnettuo klassikkua , jazz - ta estradimusiikkie .Šen jälkeh esiinty Jouhikko-band Pippurit-kollekttivi ta šoitti Karjalan vanhimmalla kielišoittimella , helysimellä ta huilulla , kertou Kanšallini musejo omalla VK-šivulla .
Vuotena 2026 kanšallini Kantele-yhtyveh viettäy 90-vuotisjuhlua .Šen kunnivokši Taitomusejo valmisti Kantelen aika -nimisen näyttelyn .Šen avajaiset piettih juuri Musejojen yönä .
– Meijän musejolla on šuuri kunnivo näyttyä Karjalan piäyhtyvehen istorijua . Uuši näyttely yhisti musiikkie , tanššie ta visualista taituo .Meilä oli vaikiena tehtävänä kertuo 90 vuuvven istorijua .Etupiäššä näyttely koškou juuri kannelta , kanšanšointinta , šano Taitomusejon johtaja Varvara Lebedeva .
Taitomusejo luati Kantelen aika-näyttelyn yhteistyöššä Kantele-yhtyvehen , Kanšallisen musejon , Kanšallisen arhiivan , Kanšanneron ta kulttuurialottehien keškukšen ta Premjer-elokuvateatterin kera .Näyttelyn valmistamiseh mäni nellä kuukautta .
Näyttelyn nelläššä šalissa on šoittimie , pukuja , muotokuvie , ilmotušlehtijä , dokumenttija ta muita esinehie .Šoittimien iäntä ta solistien laulantua voipi kuunnella kuulokkehien kautti .
Musejojen yön rajoissa Kiži-musejo vietti konsertin , missä esiinnyttih kanšanmusiikin Toive-yhtyveh , Veresok-folk-etnoyhtyveh ta lapšien Vesläžed-kollektiivi .Musiikki - ta tanššyesitykšet , kumpaset šynnyttih ikivanhoista perintehistä , kerättih tosi äijän kaččojie .
Šamoin Kižin musejošša esiteltih nuorien disainerien tevokšie .Luatijien innon lähtienä oli Karjalan kulttuurikoodi .
Mainittujen tilaisukšien lisäkši musejot järješšettih toisie ekskursijoja , työpajoja ta šeikkailupelijä .
Musejojen yön kirkaš ohjelma
карельский: собственно карельское наречие
Новописьменный севернокарельский