Тексты
Вернуться к списку
| редактировать | удалить | Создать новый
| Статистика
| ? Помощь
Sergei Georgijev.
Nelikulmasie lumitähtijä
Источник:
Kipinä. № 5, 2026, с. 10
Kiänti Tat’t’ana Torvinen
Sergei Georgijev
Nelikulmasie lumitähtijä
карельский: собственно карельское наречие
Новописьменный севернокарельский
Päiväkojissa oli piiruššuštunti.
Teppo ei tykännyn piiruštua. Hiän šuatto piiruštua hyvin vain nelijöitä.
Nytki hiän piirušti šeiččemen eriväristä pientä nelijötä.
– Mitä nämä nelijöt ollah? ihmetteli Tat’t’ana.
– Šatau lunta, ta lumitähet laškeuvutah taivahašta muah, šelitti poika. – Ne on šemmosie erikoisie nelikulmasie lumitähtijä. Niistä on helppo rakentua lumitaloja.
– Šelvä! šano Tat’t’ana.
Šiitä hiän piirušti kakši nelijötä piiruššušvihkoh. Pieni nelijö oli šuuren nelijön piällä.
– Mitä nämä ollah? kyšy Teppo.
– Še on šemmoni lumipoika, kumpasen piällä on lašken lumitähti! šelitti Tat’t’ana.
– Mintäh šie pilkkuat miun piiruššušta?
Teppo meinasi apeutuo, ka šiitä mietti vähäsen ta piätti:
– Hyvä piiruššuš on šiulaki!
Yheššä hyö piiruššettih pojalla nelikulmaset kiät ta jalat.
