Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | Статистика | ? Помощь
Tatjana Semečkina. Helmin kikki
Tatjana Semečkina
Helmin kikki
карельский: собственно карельское наречие
Новописьменный севернокарельский
Yhtenä
kešänä mamma eli miän pereheššä .Šilloin meilä oli vielä Hertta-nimini lehmä .Šama nimi oli meijän lehmällä , konša mie olin pieni .
Konša mie kävin lypšyllä , mamma istu šinčissä .Šiitä myö hänen kera joima huomeneškahvie verekšen maijon kera .
Meilä oli oikein hyvä isäkkökišša Martin .Šen kera miula oli "vaihtokauppa ": joka toini huomeneš Martin toi rappusilla pitkähäntäsen hiiren , a mie kuavoin mal’l’ah lämmintä maituo .
Yhtenä huomenekšena tulen liäväštä , ka a-voi-voi , rappusilla veteliytyy puoli kymmentä šormenpituista hiirenpentuo .Martin istuo kokottau tyytyväisenä .
Mänin pirttih ta kerroin mammalla tapahukšen .Šiitä puoli huomenešta mamma muisteli oman Helmi-čikon kikkie :
"Muamo meilä ei tykännyn kiššoja .Vain kun Oškari-veikko löysi ta toi kotih paharaisan kikin , ni Helmi-čikko oikein ihaštu ta rupesi itun kera pyytämäh jättyä hänellä še pentu .Kun hiän oli papan lellikki , ni muamo anto luvan jättyä kiššan .Ka šano tyttärelläh :
– Iče šie ni hoitamah šitä rupiet .
Miun čikolla tuli elävä kuklani .Hiän kapaloičči šitä , opašti lakkimah mal’l’ašta .Myö kävimä järvellä kikkie pešömäh .
Vuuvven piäštä pieneštä kikistä kašvo hyväččäini harmua isäkkökišša .Vain kyllä še oli laiska .Muamo tulou liäväštä , a kišša rojottau šinčin lattiella .Tiellä on , ka ei liikaha paikaltah .Muamo šitä jalalla šiirtäy , a še vain toisella kylellä kiäntyy .
Kiššua niin ni kučuttih Helmin kikki taikka Helmin häntä .Še aina oli meilä matašša .Muissan , kun myö kävimä mussikkah ta kišša matašša .Aššumma jälelläh , a kišša šotkeutuu Helmillä jalkoih .Hiän otti šen kainaloh .
Niin šilmissä ni šeisou šemmoni kuva : Helmi-čikko aštuu pitäššä vihrienkeltasešša mekošša , yheššä kiäššä marjavakkani , a toisešša kainalošša kišša – häntä muata vetäy .
Pirtissä kiukuan luona oli pitkä , levie laučča , myö šiitä aina kiukualla krapasima .
Tuatto tuli kolhosin töistä vaipunuona , illaisti ta pötkähti venymäh laučalla , tai uinosi .Huomenekšella kertou :
– Havaččeuvun yöllä .Kuulen – rukki hyräjäy .Noušen ta jo šuun avuan šanuo : "Eikö Varvanalla ole päivällä aikua kesrätä , kun yöllä yötikkäisellä pitäy ruatua "?Avuan šilmät , ka eihän pirtissä ketä i ole , tyhjä pirtti , vain laučan piäššä Helmin kikki makuau ta kurtettua hyräjäy kuin rukki .Mie nousin kiukualla ta šielä šiitä makasin huomenekšeh šuaten .
Myö Helmi-čikkoni kera kävimä kouluo Uhtuošša .Kyllä še kikki ikävöičči .
Muamo šiitä meilä kerto :
– Kun työ mänijä , ni kišša netälin ikkunan korvašša viiristeli .Varasin šitä pihalla piäštyä , jotta jälkeh juokšou .
Konša myö myöštymä kotih , ni kikki ei šolahtan Helmin polviloista ta tytön täkin alla makasi ".
Helmin kikki
карельский: собственно карельское наречие
Новописьменный севернокарельский
"
–
–
–