Тексты
Вернуться к списку | редактировать | удалить | Создать новый | Статистика | ? Помощь
Polina Darja. Tai-dai eläb, Karjalas!
Polina Darja
Tai-dai eläb, Karjalas!
вепсский
Младописьменный вепсский
Mirus
om ӓi melentar tuižid ristituid da eloradoid .Tӓmbei tundištamoiš dizaineranke Petroskoišpӓi , pirdajanke , kudamb mujutab sobad – Al’oša Savičevanke .Al’oša elӓb Karjalan pӓlidnas i tegeb čudokahid čomid azjoid – hӓnen kӓziš tai-dai - tehnikan abul jogapӓivӓižed sӓdod vajehtasoiš mujukahikš tehmusikš .
Mi tai-dai om ?Nece om mugoine tehnik , miše mujutada kangast .Anglian kelespӓi "tie-dye " voib kӓta muga : "sido-mujuta ".Miše mujutada , ozutesikš , noskad , ezmӓi pidab kertta ned mugoižehe suikermaha , sid’ panda mujud i varastada , mitte kuva vai poimetiž tegese .Tai-dai sündui amuižes japonialaižes sibori-tehnikaspӓi .Möhemba , jo 1960.-vozil tai-dai möst tegihe popul’arižeks mirus .
Midӓ völ voib tedištada neciš čomas tehnikas , mö küzum mastaril Al’oša Savičeval .
– Tervhen ! Al’oša , starinoiče , ole hüvӓ , midӓ znamoičeb tai-dai sinun tӓht ?
– Nügüd’ tai-dai om lujas sur’ minun elon pala . Minӓ lujas navedin necidӓ i tahtoin kehitoitta minun mahtoid .Minai om ӓi idejoid , kut minӓ voižin tehta necidӓ .Sikš nügüd’ meletan , miše minӓ jatktaižin tehta necidӓ kogonaižen elon .Om sel’ged , miše kaik voib vajehtadas , kacum , mi linneb edemba .
– Voib-ik tai-dai kaita vanhoid sobid ? Om-ik tozi , miše eskai vauged futbolk lӓipanke voib tehtas čomaks dizaineran sӓdoks ?
– Ka , nece om tozi ! Nece om lujas hüvӓ azj , sikš ku eskai vanhoid sobid voib mujutada i panda pӓle völ ӓi kerdoid .Ozutesikš , kaita ičeze armast sädod , antta sille toižen elon .Konz minӓ vaiše zavodin tundištadas tai-dai-tehnikanke , minӓ ostlin vanhoid futbolkoid , miše harjoiteldas ӓi kerdoid .
– Mitte soba om kaikid jügedamb mujutamižen tӓht ?
– Voin sanuda , miše kaik rippub kanghaspӓi . Minӓ radan londusen kanghidenke : pöl’vhanke i toižidenke .Erašti ristitud toba minei kulud sobad i pakičeba mindai kaita niid tai-dajan abul .Sobad oma erazvuiččed .Ozutesikš , kaikid jügedamb oli koft .Minӓ mujutin necen nel’l’ kerdad , miše tehta muga , kut pidi .Mugažo erašti todihe sobad , miččiden südӓimudes om erasid kanghid .Necidӓ mugažo om jüged mujutada .
– Miččed tai-dajan tehnikad oma , i om-ik sinai armaz niišpäi ?
– Tehnikoid om lujas ӓi . Kaik oma erazvuiččed , se rippub kanghaspӓi , mujuišpӓi – oma-ik ned kuivad vai nozolad .Mö voim mujutada jӓn abul , kehujan veden abul i muga edemba .Mugažo oma variantad , kut panda da sidoda meiden sobad , miše sada punon , tӓhthan vai lumitӓhthaižen , ozutesikš .Minun armaz tehnik om žeoda .Nece om lujas čoma !
– Erased tehnikad oma mugoižed-žo kuti origami – pidab panda , ozutesikš , futbolkad čudokahal mahtol , miše lopus sünduiži čoma kuva . Mitte tehnikoišpӓi om kaikid jügedamb , a mitte om kaikid čomemb ?
– Ka , nece om muga ! Tai-dai lujas koskub origamihe .Sikš ku origamin kodima om Japonia i , ozutesikš , tai-dajan šibori-tehnikan kodima om mugažo Japonia .Neciš tehnikas mugažo pidab ӓjan punotada , sidoda i panda muga , miše tuliži kuva .A mitte tehnik om kaikid jügedamb… om jüged sanuda .Sikš ku kaikuččes tehnikas om ičeze peitusid .Oma mugoižed tehnikad , jügedad , miččihe minӓ kacun , ihastun i vaiše tahtoin opetas .
– Oli-ik muga , miše mujutadud sobal ozutihe mitte-ni monstran vai avaruden elӓjan kuva ?
– Ka , muga oli ! Muštan , kut minӓ mujutin midӓ-se i kogonaižes kuvas vai poimetišes nӓgin , ozutesikš , porshan vai toižen živatan vai eskai monstran .Nece om kuti psihologižes Roršahan testas , konz sindai küzutas , midӓ nӓged neciš kuvas .Nece om lujas melentartušt !
– Voib-ik panda pӓle tai-dajan sobad , ozutesikš , školha ?
– Minӓ meletan , miše minun mujutadud soba om jogapӓivӓine . Sidӓ voib panda pӓle ei vaiše festivalile , kut meletaba ӓjad ristitud .Sidӓ voib panda pӓle školha , radole vai panda pӓle kodiš-ki .Meletan , miše tai-dai om nügüdläine taideh , mitte om lujas rippub ristituspӓi , hӓnen tabaspӓi da melespӓi .Kaikuččel mastaril om ičeze kacund , i satuz om mugažo ičeze .Minun rados minӓ kaiken aigan kacun londusen čomudehe , sen mujuihe .Kaik jo om ümbri meiš , meile pidab vaiše homaita da tehta ičemoi radod hüvin , miše kaita necidӓ čomut .
– Opendad-ik sinӓ toižid ristituid neche tehnikaha , i voib-ik ristit opetas tai-dajan tehnikaha iče ?
– Minӓ tegen mastar’-klassoid Petroskoiš i voin opeta , ku ristit pakičeb mindai . Minӓ mugažo ezmӓi kaik tedoid sain iče .Nece oli lujas pit’k te .Sid’ mö avaižim "Koza "- šouruman , kus minӓ voin möda minun radoid .Minӓ opendamoi nügüd’-ki , ajelen erazvuiččile tai-dajan festivalile , kus voin tundištadas toižidenke mastaridenke , sada ut mahtištod .Mugažo om ӓi videoid da kursid internetas , miččed voiba abutada augotišes .Ku sinei om melentartušt , sinӓ void opetas i hüvin tehta ičeiž sӓdoid tai-dajan tehnikas .
– Lopi sanund , ole hüvӓ , "Ku tö varaidat , miše tö et voigoi mujutada sobad čomin , muštkat… "
– Ku tö varaidat , miše tö et voigoi mujutada sobad čomin , muštkat – ei pida palahteldas , tö voit vajehtada planad , i kaiken-se lopus sündub unikaline tego .
Tai-dai eläb, Karjalas!
вепсский
Младописьменный вепсский