Тексты
Вернуться к списку | редактировать | удалить | Создать новый | Статистика | ? Помощь
Aleksandra Lesonen. Koštamukšešša tykätäh vorssuija
Aleksandra Lesonen
Koštamukšešša tykätäh vorssuija
карельский: собственно карельское наречие
Новописьменный севернокарельский
Kanšanpuvun päivän
rajoissa karjalaisen kulttuurin Vienašeuran ošallistujat piettih oikie muotiesityš Kontokkijärven rannalla Koštamukšešša .
Šeuran jäšenet tuttavuššutettih paikallisie eläjie perintehelliseh karjalaisen naisen pukuh .
Perintehien tovellini šäilyttäjä L’udmila Tihonova on käynyn monissa kotišeutumatoissa ta nyt mielelläh jakau omie tietoja toisilla .Juuri L’udmila Stepanovna kerto vierahilla puvun ošista ta niijen merkitykšeštä .
Viena-šeuran ošanottajilla on keräytyn jo šuuri pukukokomuš .Juhlapäivänä kaikilla halukkahilla löyty mitä panna piällä mielen mukah : koštoja , piähisie , paikkoja ta korissukšie .
Tilaisuon vierahat otettih ošua yhtehiseh kruukah ta paistih kyläpruasniekoista , kumpasien aikana enneinmuinoin pojat ta neiččyöt kačeltih ičellä šulhasie ta moršiemie .
Viena-järještön johtaja Julija Filippova kerto , jotta šinä päivänä heijän muotiesitykšeh yhty niise siiriččiaštujie ihmisie , kumpasilla niise löyty pukuja .Šiitä keräytynyöt vietettih hyvin šielukaš tapuamini šamovuaračäijyneh , sriäpnöineh ta pakinoineh karjalaisešta kulttuurista .
Šamana päivänä Arhippa Perttusen šiätijön ta Tuulitartanššikollektiivin ošallistujat piettih omie värikkähie pes’s’outoja Kontokkijärven toisella puolella .
Tuulitar-kollektiivin johtaja Jevgenija Muhotina korošti , jotta heijän juhlašša ei ollun virallisie pakinoja .
– Keräytymä , jotta juuvva šamovuaračäijyö , laulua lauluja ta pyörie piirileikissä . A pes’s’outoih valmistuas’s’a , tietyšti , jokahini šuoriutu omah parahah kanšanpukuh , kuin luajittih ni meijän kantatuatot .A kunnepa piäšet ilman pukuo ?Jokahisella ompelella on oma istorija , jokahisella kuvijolla on oma šielu .Nyt puvut on tuuletettu ta šielut on lämmitetty !Onnittelen pruasniekalla , Karjala !Hyvyä meijän Kanšanpuvun päivyä ! šaneli Jevgenija .
Šemmoset karjalaiset eletäh Koštamukšešša , kumpaset oikein tykätäh vorssuija !
Koštamukšešša tykätäh vorssuija
карельский: собственно карельское наречие
Новописьменный севернокарельский