Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | Статистика | ? Помощь
Minina Nina . Karjalgi kuului Ven’an keskilinnas
Minina Nina
Karjalgi kuului Ven’an keskilinnas
карельский: ливвиковское наречие
Новописьменный ливвиковский
Moskovas
, Ruskiel lagevol perindön mugah piettih Kanzallizien literatuuroin festivuali .Pidoh kerdyi kirjuttajua , tiedomiesty , julguajua Adigejas , Altail , Baškortostanas , Bur’aties , Dagestanas , Ingušeties , Kalmikies , Komis , Mordouvies , Krimas , Jakuties , Osetija-Alanies , Tatarstuanas , Tivas , Hakasies da muijalpäi .Karjalan tazavaldua edustettih literatuuroin tutkii Natalja Čikina da Oma Mua -lehten piätoimittai Natalja Sinitskaja .
Pivon programmah kuulujas konferensies "10 vuottu kanzallizien liiteratuuroin kannatusprogrammale : säilyttämizes kehittämizeh " piettih paginua kanzallizien literauutoin nygözes tilas .Ven’an alovehilpäi tulluot kirjuttajat da kiändäjät piettih varmuttu , ku kymmene vuottu kestänyh kanzallizien literatuuroin kannatusprogrammu andoi uuttu viristysty kirjalližuon kehittämizeh .Sit aijas on painettu äijy uuttu kirjua – prouzua , runohuttu , kiännöksii , kirjuttamah ottavuttih nuoret da nerokkahat .
— Programmu andoi mahton meilegi kerävyö yhteh , sanella omas ruavos da ottua toizien kirjuttajien da kiändäjien kogemustu omah ruadoh . Programman hantuzis on painettu kaksi - da monikielizii kogomuksii , kuduah kuulutah meijän tevokset da niilöin kiännökset Ven’al eläjien kanzoin kielile , sanoi Mordouviespäi tulluh runoilii Ven’an kirjuttajien liittoh kuului Tatjana Mokšanova .
Konferensies karjalan - da vepsänkielizeh kirjalližuoh nähte saneli Natalja Čikina .Hänen paginan kuuluu voibi sanuo , ku meijängi literatuurat taza-arvozinnu seizotah Ven’an kanzoin literatuuroin riävys .
Puškinan roindupäivänny 6. kezäkuudu Puškinan lagevol tavan mugah lugietah kuulužan kirjuttajan tevoksii .Tänä vuon sih pidoh yhtyttihgi ymbäri Ven’ua tulluot kanzalliskielizet kirjuttajat da kiändäjät .
— Kuului Puškinan runuo eri kielil . Minä luvin Talvi-ildurunon , kuduan kiändi livvikse Aleksandr Volkov .Minule se oli hyvä mahto vie kerran ozuttua karjalan kieldy da sen pädevytty Ven’an keskilinnas , sanoi Natalja Sinitskaja .
Periodika-julguamon ruadajii aivin kučutah yhtymäh kanzallizien literatuuroin festivualiloih .Kanzallizien lehtien toimittajat käydih Moskovas , P’atigorskas , Vladikavkuazas piettylöih programman pidoloih .
Kymmenen vuvven aigah , min kestäy kanzallizien literatuuroin kannatusprogrammu , ilmoih on piästetty yheksä suurdu kogomustu — Ven’an kanzoin runohuttu , prouzua , lapsien kirjalližuttu , dramaturgijua , publitsistiekkua , rahvahanrunohuttu .Yheksäh julgavoh on painettu enämbi migu 700 kirjuttajan tevostu Ven’an kanzoin 57 kielel .Niilöin luvus ollah karjal , vepsä da suomi .
Karjalgi kuului Ven’an keskilinnas
карельский: ливвиковское наречие
Новописьменный ливвиковский