Тексты
Вернуться к списку | редактировать | удалить | Создать новый | Статистика | ? Помощь
Maikki Remšujeva. Voipiko Petroskoin pihoilla löytyä runoja?
Maikki Remšujeva
Voipiko Petroskoin pihoilla löytyä runoja?
карельский: собственно карельское наречие
Новописьменный севернокарельский
Karjalaisien
runojen päivänä Oma Mua -lehen piätoimittaja Natalja Sinitskaja vietti oman enšimmäisen ekskursijon "Karjalan kanšan vanhat runot ".
Matkah yhty kahekšan kaupunkilaista , kumpasie kiinnoštau runojen teema .
– Ei joka kanša voi ylpeillä šillä , jotta on antan muailmankulttuurilla eepossan . Meijän runot vuotena 2025 on otettu Venäjän ainehettoman kulttuuriperinnön luvetteloh yheššä jakuttien "Olonhon " kera , korošti Natalja ekskursijon alušša .
Matka alko Elias Lönnrotin puissošta Kalevala-šuihkulähtien luota .Šieltä ryhmä kulki Heponita Ašetamma pistehet A-n piällä -art-objektien ohi (molompien tevokšien luatijana on Vladimir Zorin ), Kuklateatterin ta Kanšallisen teatterin šivučči .Kirovin aukivolla kierrokšeh ošallistujat pietyttih Taitomusejon ta Kantele-yhtyvehen talon luona , min jälkeh šuuntauvuttih Puškinin katuo pitin Kanšallisen kirjašton ta Periodika - kuštantamon kyličči .Matan loppupistehekši tuli Karjalan tietokeškuš – eikä šattumalta : juuri šielä , Kielen , kirjallisuon ta istorijan instituutissa ruatah folkloristit ta šäilyy ainutluatuni iänityšarhiiva šekä rakennukšen lähellä voipi ihual’l’a visakoivuo .
– Ekskursijon aikana miun vierahat šuatih tietyä , mintäh juuri 10. kešäkuuta vietetäh Karjalaisien runojen päivyä ta mimmoni oli karjalaini "Harri Potter ", mi olento on vesikoira ta mitein šen luista luajittih enšimmäini kannel , mimmoni on karjalaini reppi ta ken tunnetuista petroskoilaisista šitä esittäy , kerto Natalja Sinitskaja .
Šamoin pakina koški kantelella šoittuo , šekä šitä , kuin karjalaisien runot vaikutettih Puškinin , Tolkienin ta toisien kirjailijien luovah työh .
Ekskursijon vierahien šanojen mukah , kaupunkikävely anto mahollisuon kaččuo uušin šilmin tuttuja petroskoilaisie katuja ta tuntie , kuin šyvällä karjalaiset runot on kuvottu Karjalan piäkaupunkin kulttuurikoodih .
– Myö ymmärtimä , jotta karjalaiset runot ei olla musejoesineh , ka še on elävä istorija , kumpasella on tulovaisuš . Ne voijah innoššuttua bisnessimiehie , ravintolojen johtajie , disainerija , taiteilijie , musikanttija .Ne innoššetah ni jokahista meistä , korošti kierrokšen ošanottaja Margarita .
Voipiko Petroskoin pihoilla löytyä runoja?
карельский: собственно карельское наречие
Новописьменный севернокарельский