Тексты
Вернуться к списку | редактировать | удалить | Создать новый | Статистика | ? Помощь
Aleksandra Lesonen. Kavotettu reliikki on elvytetty
Aleksandra Lesonen
Kavotettu reliikki on elvytetty
карельский: собственно карельское наречие
Новописьменный севернокарельский
Kešäkuušša
Aleksandr ta Nina Lesoset vierailtih Latvajärveššä ta yheššä kylän eläjän Igor’ Kirejevin kera ašetettih oikieuškoni risti runonlaulajan Miihkali Perttusen hauvalla , mi oli kavottu Šuuren Isänmuallisen šovan aikana .
Venehjärven kylän šäilyttäjä Aleksandr Lesonen kerto , mintäh hyö piätettih elvyttyä kavotettu reliikki hautakivellä :
– Vuotena 2024 myö matkuštima Moskovašta tulijien šukulaisien kera Perttusen runonlaulajašuvun kantatuattojen hauvolla .Šilloin miula šynty ajatuš elvyttiä rissin muistomerkillä .Löyty šopiva kappaleh valkieta marmorie .Vuokkiniemiläini muasteri Aleksandr Valterovič Lesonen šuoštu luatimah rissin .Miula jäi luatie perušta ta viimeistellä tuoteh , jotta ašettua še hauvalla .Talvella Lesosen šuvun etustajien šeuran kautti onnistu löytyä arhiivatietoja šiitä , jotta Miihkali oli hauvattu pravoslavnoin kanonin mukah .On äšen šen aikasie kuvie , kumpasissa näkyy valkiešta marmorašta luajittu katolini rissi .Igor’ Kirejev autto meitä rissin kuletukšešša Kalmošuarella ta šen ašettamisešša .Šamalla myö kohentima kallistunutta muistomerkkie .
Aleksandr Aleksandrovič niise ehotti omie arvautukšie šiitä , millä tavoin šuuren runonlaulajan Arhippa Perttusen Miihkali-pojan hauvalla olija risti voi katuo .
– Heinäkuušša 1941 šuomelaiset ta šakšalaiset vallottajat tultih Latvajärveh . Alettih taistelut , heti vallata kylyä hyö ei šuattu .Meijän rajamiehet hyvin järješšettih puoluššuš .Kertomukšien mukah , kalmismualla oli tulipistehie , kumpasista šai hyvin ampuo tie Šuomešta päin .Voit olla , jotta risti kärši vaštatulešta .Kylä loppujen lopulta oli miehitetty .Šen jälkeh vihollisen ošašto tuhotti Ruškie partisani -joukon taistelijat .Tiäštä on tietuo Rubež-projektissa .Latvajärven eläjien šuurempi oša oli evakuoitu .Onnakko , ei kaikki keritty lähtie , šentäh kun šota tuli näillä alovehilla ruttoh , a kylä on lähellä rajua .Venehjärvi niise oli miehitykšen alovehella , ka taisteluja kylän alovehella ei ollun , niin kuin ni šuomelaisie šielä , šelitti Aleksandr Lesonen .
Šanakši , käyvä runonlaulajien Arhippa ta Miihkali Perttusien hauvolla voit Marja-Makovein pruasniekašša , kumpani perintehellisešti pietäh Latvajärveššä 14. elokuuta .Muistakkua , jotta Latvajärven aloveh on rajašeuvulla , šen vierailuo varoin pitäy etukäteh valmistua piäšylupa .
Kavotettu reliikki on elvytetty
карельский: собственно карельское наречие
Новописьменный севернокарельский
–