Texts
Return to list | edit | delete | Create a new | history | Statistics | ? Help
Pečl-külä. Elo mehel.
Pečl-külä. Elo mehel.
Veps
Central Western Veps
- Kuspei
olęd ?
- Olen Pečläspei .
- Kuspei ?
- Pečläspei .
- Nu nece Pečl’ sur’ külä oli ?
- Oli kuume der’uun’ad : Proklmäg , da Posad da , da Tįižagj . Nece oiktaha kädęhe lähtęd , minun neveska ka , nece Tįižagj , a nece-so Posad , hural kädęl ka .
- A sä kuspei olid ?
- Minä Posadaspei .
- Nu a kut Pečläs siga pagištihe endę ?
- Lüdikš . A me , pol’kime pagištihe …Ol’d’he , venänikad akad ol’d’he .
- A toižed kaik lüdikš ? A venäks tetihe ?
- Ka ved sanutas venäks … Venänikad tuloba , sanuba , a mö tezimęi .
- Tezitęi ? A sinun perehes lüdikš pagištihe ?A sinun mamaiš kuspei oli ottud ?
- A tägäpei , pagastalpei . Kus Sergii-se , kus Sergii Ignatjev ...
- Endę siga pagištihe lüdikš ?
- A nügüde venäks pagižeba kaik ka . Noržom-se kaik venäks .Minun nevesk-se lüdikš da nece möst Ondrii-se detko .Ondrii pagižeb lüdikš .Tedan …tedan völ Paraskovjan , se noromb om vähäšt , se lüdikš tedab , a enamban ei teda niken .Nece Paraskovja-se oli venänikan taga mehele männu-ka .
- Značit Pečläspei tulid’ mehele ? Järven tagapei ?A kus čomemb taho oli ?
- A Pečläs čomemb oli . Žal’l’oičin’ sijad-se hätken , tahod-se .Minä-se tusttįn’ , tusttįn’ dei jalos .Nedal’ proidib , ka sobatan kodihe joksęn .
- Hätken joksendelid’ kodihe ?
- Kuni last iilend . Lapsod tegihezoi ...Ka vodęn olin’ da ...potom laps’ ol’ da kol’ da , muga minä elin’ .
- Mužik-se voinal oli ?
- Ezmäi oli službal deistvitel’nijal , potom oli povtorenijal , potom voinal , da des’at’ godov oli .
- Mužikata olid’ ?
- Mužikata . Nece huba rad oli .Rata äi .Pästa Jumal-Sötai , nügude ei ratęiš , mecalę ougotadęiš radon .Ei ratęiš .Mina hergen kaivan , da völ kuume kerdan ajelęmęi kuumen virstan taga , dęi päiväl kuume , kuz’ kerdad , kuz’ reged hougod ton .Kuz’ reged hered ton i kuz’ reged hougod ton .
- A hougod ken čapoi silęi ?
- A hougon mina iče pilin’ . Iče pilal pileskelin’ ühten .Sorzin’ pilal i kräžil pilin’ .Kęiken pilal .A vot vägi-se lähtnu om .Käzid’-ni ei ni olę .A nügde ei uskkoi , što sen verdan radįn .Sanutas , ed i radiške .
- A vot sä mehelę tulid , ka kanz-se sur’ oli ?
- Kanz-se ei sur’ , jaganusę ol’dihe , üks’ mužik da anop oli , da uk-se kävi peividme , pejan pįigas , da tįižen tįižes da .
- A anop-sę sinai oli ?
- Lopul ... minuhiin’ kol’ , minuhįin’ mol’embad kol’dihe dęi .Detko-se venįi vodęn , ka bokas bokalę käroutelin’ .Vodęn .Pejan peiha vodęn venįi .Oli pręidnu paralič .Mä mecas olin’ , a bapka-se ei käund radolę , ka mäni da küläs keraz’ narodan .Narod tuli da träsitihe kesken , träsitihe da ...Ii kolę i ii elä .Vei nadojinu oli ka .Pejaks lasketan kravatišpei , a lanktob , a öks noustan .Iče tulęn mecaspei , a noustan .Kebnei oli hän mugįine .Nu oli jo ...
- A iče söi ili ei ?
- Süi , iče ton , rindalę panetan , padaižen maidon panęn da leibäd palaižen panęn da söb bokalę . Ved sömata vot ed elä .A pįig oli ...Ühtes lähtkespei , minä sanįn’ , vedęn kandišimei ka ...Tįine pįig oli , pert’he ei tuunu .Nikut ii tuunu .Kolęndad-se edęl : ala kucu nikeda , eläbalas ii tuudud kacuhtamha , nikeda ala kucu .Verdįi .Ka eläbalas ei tuudud kacuhtamha , vodęn venįi , a ei tuudud kacmaha ka .Kaks’ tütart oli da poig da .Niken ii tuudud .Tütrelę-se vestin’ andįn a , pįig ved rindal , sihe eli ka .Ei küzun ni üht kerdad , om-ik kebnemb tatalę vęi eilä .Ei küzun nikut , ku veraz .Hähęl ičelęzo mugoi surm oli , ii tuudud poigad lähäks ...Minä pezętin’ da sobitin’ da ...
Pečl-külä. Elo mehel.
Veps
Central Western Veps